முத்துப்பேட்டையில் முத்தான முப்பெரும் விழா

முத்துப் பேட்டையில் நடந்த முப்பெரும் விழாவில் தங்க மழை பொழிந்தது..

முத்துப்பேட்டை அல்மஹா அறக்கட்டளையின் சார்பாக  TVS HYTHAR GROUPS OF COMPANY நடத்திய, 

1) டி.வி.எஸ் ஹைதர் குரூப் கம்பெனி 22 ஆண்டு நிறைவு முன்னிட்டு பணியாளர்களுக்குத் தங்கப் பரிசு வழங்கும் விழா 

2)அல்மஹா பெண்கள் இஸ்லாமியக் கல்லூரியின் 10 ஆம் ஆண்டு பட்டமளிப்பு விழா

3) TVS HYDER GROUP மத்திய கிழக்கு நாடுகள்(GCC) வெளியிடும்

 தமிழ்ச் செம்மல் முனைவர் மு.க.அன்வர் பாட்சா அவர்கள் எழுதிய  " சிந்தனையைத் தூண்டும் வாழ்வியல் நிஜங்கள்"நூல் வெளியீட்டு விழா 

ஆகிய முப்பெரும் விழா முத்துப்பேட்டை ,பழைய பேருந்து நிலையம் அருகில் உள்ள, கொய்யா மஹால் கலையரங்கத்தில் 25 -06 - 2022 சனிக்கிழமை அன்று மாலை 4-00 மணியளவில் மிகச்சிறப்பாக நடைபெற்றது.

அல்மஹா அறக்கட்டளை நிறுவனரும்,அமீரக  குவைத் நாட்டின் தொழிலதிபர் டாக்டர் எஸ்.எம்.ஹைதர் அலி அவர்கள் தலைமை தாங்கி விழாப் பேருரை ஆற்றினார்.

முன்னாள் காவல் துறை தலைமை இயக்குநர் (DGP)திருமிகு A.X.அலெக்ஸாண்டர் IPS  சென்னை.அவர்களும்,கோயம்புத்தூர் திருக்குறள் ஆய்வுக் கழகத்தின் நிறுவனரும், தலைவருமான தமிழ்ச் செம்மல் முனைவர் மு.க.அன்வர் பாட்சா,மற்றும் தொழிலதிபர் டாக்டர் எஸ்.எம்.ஹைதர் அலி அவர்களும் சிறப்பு விருந்தினர்களாகக் கலந்து கொண்டு தங்கப் பரிசுகள் வழங்கி,விழாவைச் சிறப்பித்தனர்

வழக்கறிஞர் L .தீன் முகமதுவரவேற்புரையாற்றினார்.

திருவாளர்கள் ஷேக் நூர்தீன், ஹாஜா அலாவுதீன்,  N. மும்தாஜ் நவாஸ்கான்,H.ஜின்னா, E.Kஅப்துல் அஜிஸ், R.இராஜா ராம்,Dr.K இளங்கோ, Dr.M. முஹமது  உள்ளிட்ட ஜமாத்தாரும் சான்றோர் பெருமக்கள் முன்னிலை வகித்தார், வாழ்த்துரை வழங்கியும் சிறப்பித்தனர்.

ஆயிரக்கணக்கான மக்கள் பங்கேற்ற மகிழ்ச்சியான பெருவிழாவாக நிகழ்ச்சி நடைபெற்றது.

விழாவில் சிந்தனையைத் தூண்டும் வாழ்வியல் நிஜங்கள் நூல் குவைத் தொழிலதிபரும், அல்மஹா அறக்கட்டளையின் நிறுவனருமான Dr.S.M.ஹைதர் அலி அவர்கள் வெளியிட, 

முதல் படியை முன்னாள் காவல் துறைத் தலைமை இயக்குநர் (DGP)திருமிகு A.X.அலெக்ஸாண்டர் IPS அவர்கள் பெற்றுக் கொண்டார். 

விழாவில் பங்கேற்ற அனைவருக்கும் நூல்கள் பரிசளிக்கப் பட்டன.

முத்துப்பேட்டை புதுப்பள்ளி பெண்கள் மதரஸா முதல்வர் A.இப்ராஹிம் அன்சாரி அவர்கள் நூல் குறித்த அறிமுக உரை ஆற்றினார்.

நூலாசிரியர் தமிழ்ச்செம்மல் முனைவர் மு.க.அன்வர் பாட்சா அவர்கள் ஏற்புரையுடன் சிறப்புரை ஆற்றினார்.

நிறுவனர் Dr.S.M.ஹைதர்அலி அவர்கள் ஆலிம் பட்டம் பெற்றவர்களுக்குப் பட்டமும், பரிசுகளும் வழங்கி விழாப் பேருரை ஆற்றினார்.

விழாவில் சென்னை, தஞ்சாவூர், முத்துப்பேட்டை,திருப்பதி,கேரளா, கர்நாடகா,ஆந்திரா உள்ளிட்ட இந்தியாவின் பல மாநிலங்களில் இருந்தும் ஊழியர்கள் பங்கேற்றுச் சிறப்பித்தனர்.

நிறைவாக விழாவிற்கு வருகை தந்திருந்த ஆயிரக்கணக்கான மக்களுக்கும் அறுசுவை விருந்துணவு அளிக்கப் பட்டது.