கோவையில் பெருமானார் நபி(ஸல்)அவர்களின்1500வது மீலாது விழா

'
குறள் மொழியில் மிளிரும் நபிமொழிகள்' நூல் வெளியீட்டு விழா கோவை தென்றல் அரங்கத்தில் சமூக நீதி சர்வ சமய கூட்டமைப்பு மற்றும் கோவை எக்கனாமிக் சேம்பர் இணைந்து நடத்திய பெருமானார் 1500 மீலாது விழா நிகழ்ச்சி 04-10-2025 அன்று கோவை போத்தனூர் மெயின் ரோட்டில் உள்ள தென்றல் மஹால் அரங்கத்தில் இனிதே நடைபெற்றது.

ஹாஜி எஸ் எம் இதயத்துல்லா மாநில துணைத்தலைவர் இந்திய தேசிய காங்கிரஸ் மற்றும் நூலாசிரியர் தமிழ்ச் செம்மல் முனைவர் திருக்குறள் மு.க. அன்வர் பாட்ஷா அவர்களும் வெளியிட பிரபஞ்ச அமைதி சேவாஷ்ரமம் குருஜி சிவாத்மா அவர்களும் மௌலானா கலீல் அஹமத் முனீறி, மௌலானா மவுலவி சேலம் அபுதாஹிர் பாகவி ஹஜரத், சமூக நீதிக் கூட்டமைப்பு தலைவர் ராம வெங்கடேசன், செயலாளர் ஜி எம் ரஃபீக், திருக்குறள் ஆய்வுக் கழகத் துணைத் தலைவர் கோட்டீஸ்வரன், ஆடிட்டர் கலிமுத்தீன், தணிக்கை இராஜேந்திரன் செயற்குழு உறுப்பினர் திமுக, பேராசிரியர் சுரேஷ் கண்ணன், மனித உரிமைகள் கழகம், திரு ராஜேந்திரன் பசுமை தேசம், திருமதி வசந்தி பட்டிமன்ற பேச்சாளர், சேலம் டி. பாலு, தலைவர் சலவை தொழிலாளர் பேரவை, திரு கிருஷ்ணசாமி மாநிலத் தலைவர் தமிழ்நாடு குறும்பர் சங்கம், திரு நூருல் அமீன் எக்கனாமிக் சேம்பர், திரு கோட்டை செல்லப்பா பல் சமய நட்புறவு கழகம் ஆகியோரும் பெற்றுக் கொண்டனர்.

புகழ் அனைத்தும் இறைவனுக்கே!.

விழாவில் தமிழ்க் அரசின் திருவள்ளுவர் விருதாளர், தமிழாசான், குறள் யோகி, முனைவர் மு.க. அன்வர் பாட்சா அவர்களின் 50 ஆண்டு கால இலக்கியப் பணியைப் பாராட்டி பெருமானார் (ஸல்) 1500 சமூகநீதி விருது

வழங்கிச் சிறப்பித்தனர்...

பல்துறை சான்றோர்களுக்கும் விருதுகள் வழங்கிச் சிறப்பிக்கப்பட்டனர்.

சமூக நீதி கூட்டமைப்பின் செயலாளர் டாக்டர் ஜி.முஹம்மது ரஃபீக் விழா ஏற்பாடுகளைச் சிறப்பாக செய்து இருந்தார்.

நிறைவாக நாட்டுப் பண்ணுடன் விழா இனிதே நிறைவு பெற்றது.