குறள் மொழியில் மிளிரும் நபி மொழிகள்!-14

வேட்டை Sunday, November 23, 2025

பொறையுடைமை

குறள் மொழி 23

23.மிகுதியான் மிக்கவை செய்தாரைத் தாம்தம் தகுதியான் வென்று விடல்.

குறள் எண்:158

குறள் மொழியின் பொருள்

ஆணவம் கொண்டு தீங்கு செய்பவரைக் கூட, நாம் நம் பொறுமைப் பண்பினால் வெல்ல வேண்டும். அதுவே உயர்ந்த பண்பாகும்.

நபி மொழி :

பொறுமை ஓர் உயர்ந்த பண்பாகும் அது வீரமிக்க செயலுமாகும்.“எந்த துன்பம் உனக்கு நேர்ந்தாலும் அதனைப் பொறுத்துக் கொள்! நிச்சயம் இவையெல்லாம் மிகவும் வலியுறுத்தப்பட்டுள்ள விஷயங்களாகும்.

(இறைவசனம் : திருக்குர் ஆன் – 31: 17)

மெய்யுணர்தல்

குறள் மொழி 24

24.காமம் வெகுளி மயக்கம் இவைமூன்றன் நாமம் கெடக்கெடும் நோய்.

குறள் எண் : 360

குறள் மொழியின் பொருள்:

பேராசை, சினம், மயக்கம் (கபடநிலை) இவை மூன்றும் இல்லாமல் வாழ்ந்தால் போதும், துன்பங்கள் அழிந்து நலம் உண்டாகும். சிறப்பு நிலை அடையலாம்.

நபிமொழி

பேராசை, கோபம், கபடம் ஆகியவற்றிலிருந்து தம்மைப் பாதுகாத்துக் கொள்பவரே, பாதுகாக்கப்படுபவரே வாழ்க்கையில் வெற்றி பெறுகிறார்.- நபிமொழி

அறிவிப்பாளர்: உமர் இப்னு அப்துல் அஜிஸ்/ரஹ்) அல் பிதாயா வல்நிஹாயா.

(தொடரும்)