பாடல் - 25.
ஆன முதலில் அதிகம் செலவானால்
மானம் அழிந்து மதிகெட்டுப் - போனதிசை
எல்லார்க்கும் கள்ளனாய் ஏழ்பிறப்பும் தீயனாய்
நல்லார்க்கும் பொல்லனாம் நாடு.
விளக்கம்:
ஒருவன் தன்னிடம் இருக்கிற பணத்தை விட கூடுதலாக செலவு செய்தால், மானத்தை இழக்க வேண்டியது வரும். அறிவு கெட்டுப் போகும். எந்தப் பக்கம் போனாலும், உலகம் அவனைத்
திருடனாகப் பார்க்கும். அறவழி தவறி நடப்பதால், ஏழு பிறவியிலும் கெட்டவனாகத் தான் பிறக்க வேண்டியது வரும். நல்லவர்கள் எல்லோரும் அவனைக் கெட்டவனாகவே பார்ப்பார்கள்.
பாடல் - 26.
மானம் குலம் கல்வி வண்மை அறிவுடைமை
தானம் தவர்உயர்ச்சி தாளாண்மை – தேனின்
கசிவந்த சொல்லியர்மேல் காமுறுதல் பத்தும்
பசிவந்திடப் பறந்து போம்.
விளக்கம்:
ஒருவனுக்கு தாங்க முடியாத பசி ஏற்பட்டு விட்டால், கீழ்க் காணும் பத்து குணங்களும் அவனிடமிருந்து மறைந்து போகும்.
தன்மானம், குலப் பெருமை, கல்வி, தாராள பனசு, நல்லறிவு, வள்ளல் குணம், தவ வாழ்க்கை, புகழ், விடா முயற்சி, தேனினும் இனிமையாகப் பேசும் பெண்கள் மீதான ஆசை.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments