பேருவளை எரிபொருள் வரிசையில் பொதுமக்களை தாக்கிய பொலீசார் பொறுப்பானவர்கள் நடவடிக்கை எடுப்பார்களா ?

கடந்த 28 ஆம் திகதி எரிபொருள் பெற்றுக்கொள்வதற்காக

பேருவளை எரிபொருள் நிரப்பு நிலையத்தில் இரவு பகலாக விழித்திருந்து காத்த மக்களை பொலீசார் மூர்க்கத்தனமாக தாக்கியுள்ளனர். இதனா‌ல் பல பொது மக்கள் காயமடைந்தனர்.

பொலீசாரின் உத்தியோகம் என்பது மக்கள் மத்தியில்  அமைதியை பாதுகாக்கும் உத்தியோகமே தவிர, பொது மக்களை தாக்கும் அதிகாரம் அவர்களுக்கு இல்லை

ஒரு பொதுமகன் சட்டவிரோத நடவடிக்கைகளில், அல்லது அமைதிக்கு பங்கம் விளைவிக்கும் செயல்களில் ஈடுபடும்போது அவரை கைது செய்து நீதிமன்றத்தின் முன் நிறுத்துவதே போலீசாருக்கு உள்ள உச்ச விழிம்பு அதிகாரமாகும். அவர் சுத்த வாளியா, குற்றவாளி என்பதை தீர்மானித்து தண்டனை வழங்குவது நீதிமன்றத்தின் அதிகாரமாகும். 

இது தவிர  ஒரு சாதாரண பொதுமகனை தாக்குவதற்கும் தண்டனை வழங்கும் அதிகாரம் பொலீசாருக்கு  எந்த அதிகாரமும் இல்லை. இது சட்டப்படியான அதிகார துஷ்பிரயோகமாகும்.

இச்சம்பவத்தில் பொது மக்களை தாக்குவது போக்குவரத்து பொலீசாராகும்.

மக்கள்  சீரான போக்குவருத்தை  மேற்கொள்ள நடவடிக்கை எடுப்பதைத் தவிர, பொதுமக்களை தாக்குவதற்கு எந்த அதிகாரமும் போக்கு வருத்து பொலீஸாருக்கு இல்லை.

ஒரு நாட்டின் பிரஜை என்ற வகையில் அவனுக்கு தேவையான எரிபொருளை பெற்றுக்கொள்வது அவனுகுரிய  உரிமையாகும்.  அது அவனுக்கு மறுக்கப்படும்போது நாட்டின் நிலைமைக்கேற்ப அதற்கான காரணத்தை அறிந்து கொள்வதற்கு அவனுக்கு தாராள உரிமை உள்ளது. இதற்கு எந்த தனி நபரோ அல்லது எந்த அதிகாரியோ தடையாக இருக்க முடியாது. அவ்வாறு ஒரு அதிகாரி அவருக்கு தடையாக இருப்பாராயின் சட்டப்படி உரிமை மீறலாகும்.

தற்போதைய நடப்பு அரசாங்கத்திற்கு தேர்தல் காலங்களில் முஸ்லிம் மக்களின் செல்வாக்கானது நாடு பூராவும் குறைந்து காணப்பட்ட போதிலும், பேருவளை முஸ்லிம் மக்கள் ஒரு பிரிவினர் ஒரு தனிநபரின் வேண்டுகோளுக்காக அத்தனையையும் மீறி இந்த அரசாங்கத்திற்கு வாக்களித்தனர். 

போலீசாரின் தடியடி தாக்குதலில் இந்த அரசாங்கத்திற்கு வாக்களித்த சில பொதுமக்களும் இலக்கானது கவலைக்குரிய விடயமாகும். 

பொலிசாரின் இவ்விதமான அதிகார துஷ்பிரயோகம் முழு நாட்டு மக்களின் உரிமைக்கான ஒரு சவாலாகும். அரசியல், கட்சி தேர்தல் என்பது ஒவ்வொருவரினதும் உரிமையாகும். கட்சி பேதம், மத பேதம், இன பேதம் இன்றி நாட்டு மக்கள் அனைவரினதும் உரிமைகள், பாதுகாப்புகள் உறுதிப்படுத்தப்பட வேண்டும். எனவே இவ்வாறான செயல்கள் தொடருமாயின் மக்கள் பல இன்னல்களை அனுபவிக்கும் இவ்வேளையில் நாடு முழுவதிலும் அராஜகம் அரங்கேற இது ஒரு சந்தர்ப்பமாக அமையும்.

எனவே இப்பகுதி அரசியல் தலைவர்கள் இதற்கெதிரான கடும் நடவடிக்கைகளை வேண்டுமென மக்கள் எதிர்பார்க்கின்றனர்.  மக்களின் எதிர்பார்ப்பு நிறைவேறுமா  ?

( பேருவளை ஹில்மி )