சபீலுல் ஃபலா அரபிக் காலேஜ் பத்தாம் ஆண்டு தொடக்க விழா

கோயம்புத்தூர் குனியமுத்தூரில் மஹாராஜா காலனியில்     03 - 07 -2022 அன்று காலை சபீலுல் ஃபலக் அரபிக் காலேஜ் இன் மதரஸா 10 ஆம் ஆண்டு தொடக்க விழா மிகச்சிறப்பாக நடைபெற்றது. அரபிக் கல்லூரியின் முதல்வர் திருமதி .K.S.சாபிரா  அன்வாரியா  அஃப்சல் அவர்கள்  தலைமை தாங்கினார்.

மாணவரின் கிராத்துடன் நிகழ்ச்சி இனிதே தொடங்கியது.

இமாம், மௌலானா மௌல்வி A முஹம்மது யாசர் அராபத்., மற்றும்  இமாம், மௌலானா மௌல்வி முஹம்மது சுஹேல் ஆகியோர் பெண்களும் மார்க்கக் கல்வியும் என்னும் தலைப்பில் தீன் கல்வி குறித்து உரையாற்றினர்.  

தமிழ்ச் செம்மல், திருக்குறள் தூதர் முனைவர் எம்.ஜி.அன்வர் பாட்சா அவர்கள் கல்வி தேடுவதின் சிறப்பு என்ற தலைப்பில் எழுச்சிமிக்க நல்ல பல தகவல்கள் கூறி  சிறப்புரை ஆற்றினார்.

தொடர்ந்து சிறப்பு  விருந்தினர்களுக்குச் சிறப்புச் செய்யப்பட்டது. விழாவில் பகுதி வாழ் மக்கள்,குறிப்பாக பெண்கள் திரளாகப் பங்கேற்றமை சிறப்புக்குரியது. 

மாணவர்களின் இசுலாமியக் கலை நிகழ்ச்சிகளும் நடைபெற்றன. போட்டிகளில் வெற்றி பெற்ற மற்றும் கல்வி முடித்த மாணாக்கியருக்குச் சான்றிதழ்களும், நினைவுப் பரிசுகளும் வழங்கப்பட்டன. விழாவினை முதல்வர்,ஆசிரியர்கள் உள்ளிட்ட விழாக் குழுவினர் சிறப்பாக ஏற்பாடு செய்திருந்தனர்.

நிறைவாக திருமதி ரிஸ்வானா நன்றி நவில விழா இனிதே நடந்தேறியது