5 ஆண்டில் 10,000 யுவான் சம்பாதித்த நாய் - வியந்துபோன இணையவாசிகள்

சீனாவில் தனது உரிமையாளருக்காகப் பிளாஸ்டிக் போத்தல்களைச் சேகரிக்கும் நாய் ஒன்று சமூக ஊடகத்தில் பிரபலமடைந்துள்ளது.

அது பிரெஞ்சு புல்டோக் (French bulldog) இனத்தைச் சேர்ந்தது.

அதன் உரிமையாளர் குவாங்டோங் (Guangdong) மாநிலத்தில் வசிக்கிறார்.

5 வயதாகும் நாயின் காணொளிகள் இடம்பெற்றுள்ள சமூக ஊடகப் பக்கத்தை 80,000க்கும் அதிகமானோர் பின்தொடர்வதாக South China Morning Post செய்தி குறிப்பிட்டது.

தினமும் காலை, மதியம், மாலை என 3 வேளைகளில் அது பிளாஸ்டிக் போத்தல்களைச் சேகரிக்கச் செல்கிறது.

ஒவ்வொரு முறையும் சுமார் 20 முதல் 30 நிமிடங்கள் வரை அந்தப் பணியைச் செய்யும். அதன் உரிமையாளரும் ஒரு சாக்குப்பையைச் சுமந்தபடி அதனுடன் செல்வார்.

ஒரு முறை 25 நிமிடங்களில் சுமார் 5 கிலோகிராம் பிளாஸ்டிக் போத்தல்களை நாய் சேகரித்ததாக South China Morning Post செய்தி குறிப்பிட்டது.

நாயின் அபாரமான திறமையைக் கண்டு அந்த வட்டாரக் கடைக்காரர்கள் கடை வாசலில் போத்தல்களைத் தயாராக வைக்கத் தொடங்கினர்.

ஆரம்பத்தில் பிளாஸ்டிக் போத்தல்களைச் சேகரிக்கும் பணியில் தினமும் சுமார் 20 யுவான் (சுமார் 3.60 வெள்ளி) கிடைத்தது.

காலப்போக்கில் 5 ஆண்டுகளில் மொத்த வருமானம் 10,000 யுவானைத் (சுமார் 1,800 வெள்ளி) தாண்டியது.

சமூக ஊடகங்களில் இணையவாசிகள் நாயைப் பெருமளவு பாராட்டுகின்றனர்.

ஒருவர் இதுபோல 100 நாய்களை வளர்த்தால் பெரும் செல்வந்தராகிவிடலாம் என்று வேடிக்கையாகக் கருத்துப் பதிவிட்டா

seithi

இலங்கை |  இந்தியா | உலகம் 

தமிழ்நாடு | விளையாட்டு 

தொடர்கதை | சிறுகதை 

கவிதை | செந்தமிழ் இலக்கியம் 

இஸ்லாமிய சிந்தனை 

மொழிபெயர்ப்புக் கதைகள் 

கட்டுரைகள் |  Ai SONGS |

ஆரோக்கியம் |வரலாறு|

சமையல்|HOME

Email;vettai007@yahoo.com