ஆந்திரா கர்னூல் அருகே ஆம்னி பேருந்து விபத்தில் 234 ஸ்மார்ட்போன்கள் வெடித்ததே முக்கிய காரணம் என தடயவியல் நிபுணர்கள் கண்டறிந்திருப்பதாக தகவல் வெளியாகியுள்ளது.
ஆந்திரா கர்னூல் ஆம்னி பேருந்து கோர விபத்திற்கு 234 ஸ்மார்ட்போன்கள் வெடித்ததே முக்கிய காரணம் என தடயவியல் நிபுணர்கள் கண்டறிந்துள்ளனர்.
ஹைதராபாத்தில் இருந்து பெங்களூரு நோக்கிச் சென்ற ஆம்னி பேருந்து கர்னூல் அருகே இருசக்கர வாகனம் மோதி தீப்பற்றி எரிந்தது. இதில் சிலர் தப்பி உயிர் பிழைத்த நிலையில், 20 பேர் பரிதாபமாக பலியாகினர்.
இந்தச் சம்பவம் நாடு முழுவதும் பெரும் அதிர்ச்சியை ஏற்படுத்திய நிலையில், தடயவியல் நிபுணர்கள் விபத்திற்கான காரணம் குறித்து ஆய்வு செய்து வருகின்றனர். இந்தச் சூழலில், விபத்திற்குள்ளான ஆம்னி பேருந்தில் 234 ஸ்மார்ட்போன்கள் இருந்தது தெரியவந்துள்ளது.
சுமார் 46 லட்சம் ரூபாய் மதிப்பிலான இந்த 234 செல்போன்களை ஹைதராபாத்தைச் சேர்ந்த தொழிலதிபர் பெங்களூருக்கு பார்சலாக அனுப்பி இருந்ததாகக் கூறப்படுகிறது.
பேருந்து தீப்பற்றியபோது, இந்த செல்போன்களில் இருந்த பேட்டரிகள் ஒரே நேரத்தில் வெடித்து பெரும் விபத்திற்கு வழிவகுத்து இருக்கக்கூடும் எனக் கூறப்படுகிறது. அதேபோல, பேருந்தில் இருந்த ஏசியின் பேட்டரியும் வெடித்திருக்கலாம் எனத் தெரிவிக்கப்பட்டுள்ளது.
இதனிடையே, பேருந்து விபத்திற்குள்ளானபோது செல்போன்கள் வெடித்த சத்தம் கேட்டதாக விபத்தை நேரில் பார்த்தவர்கள் தெரிவித்துள்ளனர்.
news18
கட்டுரைகள் | Ai SONGS |
Email;vettai007@yahoo.com
0 Comments