
ஒன்றுபட்ட எதிர்கட்சியை உருவாக்கி அரசாங்கத்திற்கு எதிரான செயற்பாடுகளை முன்னெடுப்பதற்கு முயற்சிகள் இடம்பெற்று வரும் நிலையில் சஜித் மற்றும் நாமல் அணிகளுக்கு இடையில் உள்ளக மோதல்கள் இடம்பெற்று வருவதாக தகவல்கள் வெளியாகியுள்ளன.
சஜித் அணியின் அனேகம்பேர் எதிரணியில் இணைந்து நேரடியாக அரசாங்கத்தை எதிர்க்க வேண்டும் என்கின்றனர். ஆனால், சஜித் பிரேமதாச உள்ளிட்ட குழுவினர் அந்த எதிரணி இயக்கத்துடன் நேரடியாக இணையாது ஒத்துழைப்பை வழங்கவுள்ளதாக தெரிவித்துள்ளனர்.
இந்நிலையில், ஸ்ரீலங்கா பொதுஜன பெரமுணவின் நாமல் ராஜபக்ஸ உள்ளிட்ட குழுவினர் குறித்த எதிரணி இயக்கத்தில் இருந்து கழன்றுசெல்ல முயற்சித்து வருவதுடன், அக்கட்சியின் பொதுச் செயலாளர் சாகர காரியவசம் உள்ளிட்ட குழுவினர் அவ்வியக்கத்தை முன்னெடுக்க தயாராகியுள்ளனர்.
அதேவேளை, நாமல் ராஜபக்ஸவின் விசேட அறிவுறுத்தலுக்கு அமைய ஜீ.எல்.பீரிஸவை முதன்மையாகக் கொண்டு வேறாக ஒருங்கிணைந்த கூட்டணி ஒன்றை கட்டியெழுப்புவதற்கான கலந்துரையாடல் மேற்கொள்ளப்படுவதாக வெளிப்பட்டுள்ளது. அதன் அடுத்தக்கட்டமாக நேற்று (03) இரவு ஜீ.எல். பீரிஸின் இல்லத்தில் எதிரணி உறுப்பினர்களுக்கு இடையில் கலந்துரையாடலொன்று இடம்பெற்றது.
lankatruth

கட்டுரைகள் | Ai SONGS |

Email;vettai007@yahoo.com




0 Comments