பாகிஸ்தான், ஈரான் இடையே பதற்றம் அதிகரித்துள்ள நிலையில் சீனா மத்தியஸ்தம் வகிக்க முன்வந்துள்ளது

தீவிரவாத இலக்குகள் மீதான ஈரானின் தாக்குதல்களை அடுத்து, பாகிஸ்தானுக்கும் ஈரானுக்கும் இடையில் நிலவும் பதற்றத்தை தணிக்க மத்தியஸ்தம் செய்ய சீனா வியாழன் விருப்பம் தெரிவித்தது.

செவ்வாய்க்கிழமை இரவு ஈரானின் ஏவுகணைத் தாக்குதலில் இரண்டு குழந்தைகள் இறந்தனர். மற்றும் மூன்று சிறுமிகள் காயமடைந்தனர். இது நாட்டின் இறையாண்மையையும் மீறுவதாக பாகிஸ்தான் வெளியுறவு அமைச்சகம் அறிக்கையில் தெரிவித்துள்ளது. 

இதற்கிடையில், ஈரான் ஒரு தீவிரவாத அமைப்பை குறிவைத்து தாக்குதல் நடத்தியதற்கு பதிலடியாக, பாகிஸ்தானும் ஒரே இரவில் தாக்குதலை நடத்தியது, இதன் விளைவாக ஈரானின் எல்லைப் பகுதியில் வசிக்கும் பல தீவிரவாதிகள் கொல்லப்பட்டதாக தெரிவிக்கபடுகின்றது.

தெஹ்ரானின் கூற்றுப்படி, இஸ்லாமாபாத் நடத்திய தாக்குதலில் குறைந்தது ஏழு பொதுமக்கள் கொல்லப்பட்டுள்ளதாக தெரிவிக்கப்படுகின்றது.

இநிலையில் பெய்ஜிங்கில் நடந்த செய்தியாளர் சந்திப்பின் போது, ​​சீன வெளியுறவு அமைச்சக செய்தித் தொடர்பாளர் மாவோ நிங், "இரு தரப்பினரும் அமைதியாகவும், நிதானமாகவும் செயல்பட முடியும் என்றும், பதற்றம் அதிகரிப்பதைத் தவிர்க்க முடியும் என்றும் சீனத் தரப்பு உண்மையாக நம்புகிறது" என்றார்.

"இரு தரப்பும் விரும்பினால் நிலைமையை தணிப்பதில் ஆக்கபூர்வமான பங்கை வகிக்க நாங்கள் தயாராக இருக்கிறோம்," என்று அவர் மேலும் கூறினார்.

பலுசிஸ்தானில் ஏவுகணைத் தாக்குதலை நடத்தியதன் மூலம் பாகிஸ்தானின் இறையாண்மையை ஈரான் அப்பட்டமாக மீறியது குறித்த கேள்விக்கு, பாகிஸ்தானும் ஈரானும்தான் பிராந்தியத்திலும் முஸ்லிம் உலகிலும் முக்கிய நாடுகள், எனவே பேச்சுவார்த்தை மூலமும் அமைதியான வழியிலும் தங்களுக்கு இடையேயான வேறுபாடுகளை தீர்க்க முடியும் என்று சீனா நம்புகிறது என்றார். 

அணு ஆயுதம் கொண்ட பாகிஸ்தான் மற்றும் அண்டை நாடான ஈரான் ஆகிய இரண்டும் அவற்றின் மக்கள்தொகை குறைந்த எல்லைப் பகுதிகளில் கிளர்ச்சிகளை எதிர்த்துப் போராடி வருகின்றன.

ஜனவரி 17 அன்று, ஈரான் தனது வான்வெளியை அத்துமீறி இரண்டு பாகிஸ்தானியர்களின் உயிரைக் கொன்றது மற்றும் பலரைக் காயப்படுத்திய பின்னர்  பாகிஸ்த்தான்  ஈரானுக்கு கடுமையான எச்சரிக்கை விடுத்தது. 

தாக்குதலுக்குப் பிறகு வெளியுறவு அலுவலக செய்தித் தொடர்பாளர் மும்தாஸ் சஹ்ரா பலோச் வெளியிட்டுள்ள அறிக்கையில், "ஈரான் தனது வான்வெளியில்  அத்துமீறி நுழைந்ததால் இரண்டு அப்பாவி குழந்தைகள் கொல்லப்பட்டதற்கு பாகிஸ்தான் கடும் கண்டனம் தெரிவிக்கிறது"என்று தெரிவித்தார்.

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH