கணவரின் நீண்ட ஆயுளுக்கு காலையில் விரதம் - மாலை விஷம் வைத்த மனைவி

கணவரின் நீண்ட ஆயுளுக்காக விரதம் இருந்த மனைவி சிறுது நேரத்தில் அவரை விஷம் வைத்து கொன்றுள்ளார்.

கர்வா சௌத்

கணவர் நீண்ட நாட்கள் ஆரோக்கியத்துடன் இருக்க வேண்டுமென்று மனைவிகளும், நல்ல கணவர் அமைய வேண்டுமென்று திருமமாகாத இளம்பெண்களும் கர்வா சௌத்(karwa chauth) என்ற விரதம் இருப்பர். 

பஞ்சாப், ஹரியாணா, ஹிமாசலப் பிரதேசம், உத்தரப் பிரதேசம், ராஜஸ்தானில் உள்ள குடும்பங்களில் பாரம்பரியமாகக் இந்த விரதம் கடைப்பிடிக்கப்பட்டு வருகிறது. 

உணவில் விஷம்

இந்நிலையில், உத்தரப்பிரதேச மாநிலம் கௌசாம்பி மாவட்டத்தைச் சேர்ந்த சைலேஷ் குமாரின்(32) மனைவி சவிதாவும் நேற்று, தன் கணவரின் நீண்ட ஆயுளுக்காக கர்வா சவுத் விரதத்தை மேற்கொண்டுள்ளார்.

காலை முதலே சவிதாவின் இந்தப் பிரார்த்தனைக்கு அவரது கணவர் சைலேஷ் குமாரும் அவருக்கு உதவியாக இருந்துள்ளார். மாலையில் விரதத்தை முடித்து கொண்டு இருவரும் ஒன்றாக உணவருந்தியுள்ளனர்.

அப்போது கணவருக்கு வைத்த உணவில் விஷம் கலந்திருந்த சவிதா சாப்பிட்டு கொண்டிருக்கும் போதே பக்கத்துக்கு வீட்டிற்கு சென்று வருகிறேன் என கூறி விட்டு தப்பியோடி விட்டார்.

கைது

மயங்கி விழுந்த சைலேஷ் குமாரை அவரது சகோதரர் சிகிச்சைக்காக மருத்துவமனையில் சேர்த்தார். ஆனால் சிகிச்சை பலனின்றி சைலேஷ் குமார் உயிரிழந்துள்ளார். இறப்பதற்கு முன்பு, மனைவி தனது உணவில் விஷம் வைத்திருந்தார் என சைலேஷ் குமார் வீடியோ பதிவு செய்துள்ளார்.

இது தொடர்பாக சைலேஷ் குமாரின் சகோதரர் அளித்த புகாரின் அடிப்படையில் சவிதாவை காவல்துறையினர் கைது செய்து விசாரித்து வருகின்றனர்.   

ibctamilnadu

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS