திபெத் மற்றும் நேபாள எல்லைப் பகுதியில் இன்று (07/25/25) காலை சக்திவாய்ந்த நிலநடுக்கம் ஏற்பட்டது. நேபாளத்தில் உள்ள லாபஸ் நகரில் இருந்து 93 கி.மீ தொலைவில் ஏற்பட்ட நிலநடுக்கம் ரிக்டர் அளவுகோலில் 7.1 ஆக பதிவாகியுள்ளது. இந்த நிலநடுக்கத்தால் பல இடங்களில் கட்டிடங்கள் குலுங்கின.
நேபாளம், திபெத் மற்றும் சீனாவின் எல்லைப் பகுதிகளில் ஏற்பட்ட சக்திவாய்ந்த நிலநடுக்கத்தில் சுமார் 32 பேர் உயிரிழந்ததாக கூறப்படுகிறது. காலை 9 மணி நிலவரப்படி, பலி எண்ணிக்கை தொடர்ந்து அதிகரித்து வருகிறது. நிலநடுக்கம் ஏற்பட்ட இடத்தில் கட்டிடங்கள் இடிந்து விழுந்ததில் பலர் சிக்கிக் கொண்டனர். இதன்காரணமாக பலி எண்ணிக்கை அதிகரிக்க கூடும் என தெரிவிக்கப்பட்டுள்ளது.
நேபாளத்தில் ஏற்பட்ட இந்த நிலநடுக்கம் வட இந்தியாவையும் பாதித்தது. அதன்படி டெல்லி, பீகார் போன்ற மாநிலங்களில் நிலநடுக்கம் உணரப்பட்டது. இந்த நிலநடுக்கம் பங்களாதேஷ், பூடான், நேபாளம் மற்றும் சீனா ஆகிய நாடுகளையும் பாதித்துள்ளதாக தெரிவிக்கப்பட்டுள்ளது. இதனால், அங்குள்ள மக்கள் மிகுந்த அச்சத்தில் உள்ளனர்.
கட்டுரைகள் | Ai SONGS |
Email;vettai007@yahoo.com
0 Comments