சிங்கப்பூரில் இன நல்லிணக்கத்தைப் பாதுகாக்கும் சட்ட மசோதா தாக்கல்

வேட்டை Wednesday, January 08, 2025

சிங்கப்பூரில் இன நல்லிணக்கத்தைப் பாதுகாக்கும் புதிய சட்டத்துக்கான மசோதா தாக்கல் செய்யப்பட்டுள்ளது.

கட்டுப்பாட்டு உத்தரவு, சமூகச் சீர்திருத்த முயற்சிகள் உள்ளிட்டவை அதில் அடங்கும்.

இனம் சார்ந்த அமைப்புகளும் அந்தப் புதிய சட்டத்தின்கீழ் வரலாம்.

தீய நோக்கமுடைய வெளிநாட்டுத் தலையீட்டிலிருந்து அத்தகைய அமைப்புகளுக்குப் பாதுகாப்பு வழங்க அந்த ஏற்பாடு செய்யப்படலாம் என்று உள்துறை அமைச்சு தெரிவித்தது.

இன நல்லிணக்கத்தைப் பாதுகாப்பதற்கான மசோதாவை உள்துறை, சமுதாய, குடும்ப மேம்பாட்டுத் துணையமைச்சர் சுன் ஷுவேலிங் (Sun Xueling) முன்னதாகத் தாக்கல் செய்திருந்தார்.

அந்தச் சட்டத்துக்கான யோசனையை 2021ஆம் ஆண்டு, அப்போது பிரதமராக இருந்த திரு லீ சியன் லூங் (Lee Hsien Loong) தேசிய தினக் கூட்ட உரையில் அறிவித்திருந்தார்.

இன நல்லிணக்கத்தைப் பாதுகாக்க அரசாங்கம் அதன் அதிகாரத்தை ஒருங்கிணைப்பதற்குப் புதிய சட்டத்தை அறிமுகம் செய்யும் என்று அவர் கூறியிருந்தார்.

இன நல்லிணக்கத்துக்கு எதிரான மிரட்டல்களைச் சமாளிக்கும் ஆற்றலை வலுப்படுத்த அது உதவும் என்றும் அவர் குறிப்பிட்டார்.

seithi