"தாலிபான் தாக்குதலில் பாகிஸ்தான் வீரர்கள் 23 பேர் பலி"

"தாலிபான் தாக்குதலில் பாகிஸ்தான் வீரர்கள் 23 பேர் பலி" - பாகிஸ்தான் அரசு அறிவிப்பு!

பாகிஸ்தான் அரசு அறிவிப்பில், தாலிபான் தாக்குதலில் 23 பாகிஸ்தான் வீரர்கள் பலி; ஆப்கானிஸ்தான் 25 ராணுவ நிலைகள் கைப்பற்றியது, 200 தாலிபான்கள் கொல்லப்பட்டனர்.

ஆப்கானிஸ்தானுடனான மோதலில் பாகிஸ்தான் ராணுவ வீரர்கள் 58 பேர் கொல்லப்பட்டதாக தகவல் வெளியாகி உள்ளது. அதேநேரம், 200 தாலிபான்களை கொன்று குவித்ததாக பாகிஸ்தான் தெரிவித்துள்ளது.

ஆப்கானிஸ்தான் தலைநகர் காபூலில் கடந்த சில நாட்களுக்கு முன் பாகிஸ்தான் வான்வழித் தாக்குதல் நடத்தியது. இதற்கு பதிலடி கொடுக்கும் வகையில் பாகிஸ்தானில் உள்ள பலூசிஸ்தான் மாகாணத்தில் உள்ள சாகாய் மாவட்டத்தில் ஆப்கான் படைகள் தாக்குதல் நடத்தின.

இந்த மோதல் காரணமாக இரு நாடுகளுக்கு இடையே எல்லைகள் மூடப்பட்டன. பாகிஸ்தானின் 25க்கும் மேற்பட்ட ராணுவ நிலைகளை கைப்பற்றியதாக ஆப்கானிஸ்தான் தெரிவித்தது. தொடர்ந்து கத்தார் மற்றும் சவுதி அரேபியா தலையிட்டு சமாதான பேச்சுவார்த்தையில் ஈடுபட்டன.

இந்நிலையில், ராணுவ மோதலில் 50க்கும் மேற்பட்ட பாகிஸ்தான் ராணுவ வீரர்களை கொன்று குவித்ததாக ஆப்கானிஸ்தான் தரப்பில் தகவல் வெளியாகி உள்ளது. இதற்கு மறுப்பு தெரிவிக்காத பாகிஸ்தான் ராணுவம், 200 தாலிபான்கள் மற்றும் மற்ற படையினரை கொன்று குவித்ததாகவும், ஆப்கானிஸ்தானின் 19க்கும் மேற்பட்ட ராணுவ நிலைகளை கைப்பற்றியதாகவும் தெரிவித்துள்ளது.

அதேபோல், ஆப்கானிஸ்தான் நடத்திய பதிலடி தாக்குதலில் 23 பாகிஸ்தான் வீரர்கள் பலியானதாக பாகிஸ்தான் அரசு அதிகாரப்பூர்வமாக அறிவித்துள்ளது. 58 பாகிஸ்தான் வீரர்கள் கொல்லப்பட்டதாக தாலிபான் அரசு அறிவித்த நிலையில், 23 வீரர்கள் பலியானதாக பாகிஸ்தான் அரசு கூறுகிறது.

News18