பாபர் அஸாமின் அதிரடியில் சிட்னி சிக்ஸர்ஸ் அபார வெற்றி

வேட்டை Saturday, January 03, 2026

பிக் பாஷ் லீக் போட்டியில் சிட்னி சிக்ஸர்ஸ் அணி 6 விக்கெட்டுகள் வித்தியாசத்தில் மெல்போர்ன் ரெனெக்ட்ஸை வீழ்த்தியது.

டாக்லேண்ட்ஸ் மைதானத்தில் நடந்த போட்டியில் மெல்போர்ன் மற்றும் சிட்னி அணிகள் மோதின.

முதலில் ஆடிய மெல்போர்ன் ரெனெக்ட்ஸ் அணி 9 விக்கெட்டுகள் இழப்பிற்கு 164 ஓட்டங்கள் எடுத்தது.

ஜோஷ் பிரவுன் 19 பந்துகளில் 4 சிக்ஸர்கள், 3 பவுண்டரிகளுடன் 43 ஓட்டங்கள் விளாசினார். ஹசன் கான் 39 ஓட்டங்கள் எடுத்தார்.

அப்போட் 3 விக்கெட்டுகளும், ஜேக் எட்வார்ட்ஸ், வார்ஷுய்ஸ் மற்றும் ஹெடன் கெர் தலா 2 விக்கெட்டுகளும் வீழ்த்தினர்.

அடுத்து களமிறங்கிய சிட்னி சிக்ஸர்ஸ் அணியில் டேனியல் ஹுக்ஸ் 30 ஓட்டங்கள் எடுத்தார். ஹென்ரிக்ஸ் 23 (18) ஓட்டங்கள் விளாசினார்.

தொடக்க வீரரான பாபர் அஸாம் (Babar Azam) கடைசி வரை ஆட்டமிழக்காமல் 46 பந்துகளில் 1 சிக்ஸர், 4 பவுண்டரிகளுடன் 58 ஓட்டங்கள் விளாச, சிட்னி சிக்ஸர்ஸ் அணி 19.1 ஓவர்களில் 168 ஓட்டங்கள் எடுத்து வெற்றி பெற்றது.

lankasri