இன்னா நாற்பது - 25.
நட்டா ரிடுக்கண்கள் காண்டல் நனியின்னா
ஒட்டார் பெருமிதங் காண்டல் பெரிதின்னா
கட்டில்லா மூதூ ருறையின்னா வாங்கின்னா
நட்ட கவற்றினாற் சூது.
விளக்கம்:
- நண்பர்கள் படும் துயர்களைக் காண்பது துன்பமாகும்.
- பகைவர்கள் நம் கண் முன்னால் ஆணவத்துடன் நடந்து கொள்வதைக் காண்பது துன்பமாகும்.
- உற்றார் உறவினரோடு சேர்ந்து வாழாமல் தனியாக இருப்பது துன்பமாகும்.
- நண்பர்களுடன் சேர்ந்து சூதாடுவது மிகவும் துன்பமாகும்.
இன்னா நாற்பது -26.
பெரியாரோ டியாத்த தொடர்விடுத லின்னா
அரியவை செய்து மெனவுரைத்த லின்னா
பரியார்க்குத் தாமுற்ற கூற்றின்னா வின்னா பெரியோர்க்குத் தீய செயல்.
விளக்கம்:
- பெரியவர்களுடனான தொடர்பை விட்டு விடுவது துன்பமாகும்.
- செய்வதற்கரிய செயல்களை செய்து முடிப்பேன் என்று வாய்ச் சவடால் விடுவது துன்பமாகும்.
- நம் மீது அக்கறை காட்டாதவர்களிடம், நமக்கு இருக்கும் இன்னல்கள் குறித்து புலம்புவது துன்பமாகும்.
- பெருமையுடையவர்களுக்கு தீங்கு செய்வது துன்பமாகும்.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments