“ஆந்திராவுக்கு சென்ற ரூ. 1,614 கோடி முதலீடு! தவெக ஆட்சியில் தமிழ்நாடு அழிவைச் சந்திக்கும்”

ஹூண்டாய், கியா கார் நிறுவனங்களுக்கு உதிரி பாகங்களை விநியோகம் செய்யும் மூன்று நிறுவனங்கள், தமிழகத்திற்குப் பதிலாக ஆந்திராவில் 1,614 கோடி ரூபாய் முதலீடு செய்ய ஒப்பந்தம் செய்துள்ளன.

தென் கொரியாவைச் சேர்ந்த ஹூண்டாய், கியா நிறுவனங்களின் உதிரிபாக விநியோகஸ்தர்களான வாஷின் (Hwasin), சியோயன் (Seoyon) மற்றும் இவாமெட் (Iwamet) ஆகிய மூன்று நிறுவனங்களும் இந்தியாவில் தங்களது புதிய ஆலையை அமைக்க திட்டமிட்டுள்ளன.

ஆட்டோமொபைல் துறையில் வலுவான அடித்தளம் கொண்டுள்ள தமிழகம், இந்த நிறுவனங்களை ஈர்க்கத் தீவிர முயற்சிகளை மேற்கொண்டு வந்தது. இந்த நிறுவனங்கள் முந்தைய திமுக அரசுடன் பேச்சுவார்த்தை நடத்தி வந்தன. இந்நிலையில், வாஷின், சியோயன் மற்றும் இவாமெட் ஆகிய மூன்று நிறுவனங்களும், ஆந்திர மாநிலம் அனந்தபூரில் தங்களது புதிய ஆலைகளை அமைக்க ஆந்திர அரசுடன் புரிந்துணர்வு ஒப்பந்தங்களை மேற்கொண்டுள்ளன.

ஆந்திர மாநில அமைச்சர் நர லோகேஷ் கடந்த ஜூலை மாதம் தென்கொரியாவுக்குச் சென்று வாகன உதிரிபாக உற்பத்தியாளர்களைச் சந்தித்துப் பேச்சுவார்த்தை நடத்தியதன் தொடர்ச்சியாக இந்த முதலீடுகள் ஆந்திராவிற்குச் சென்றுள்ளன. இந்த திட்டங்கள் வழியாக அப்பகுதியில் 1,418 பேருக்கு வேலைவாய்ப்பு கிடைக்கும் என எதிர்பார்க்கப்படுகிறது.

ஆந்திர அரசின் தீவிர முயற்சியால் இந்த முதலீடுகள் அம்மாநிலத்திற்குச் சென்றுள்ளது தமிழகத்திற்குப் பின்னைடைவாகப் பார்க்கப்படுகிறது. இதனை விமர்சித்து திமுக தலைவர் மு.க. ஸ்டாலின், “தமிழ்நாட்டுக்கு வர வேண்டிய 1,614 கோடி ரூபாய் கொரிய முதலீடுகள் த.வெ.க. அரசின் அலட்சியத்தால் ஆந்திராவுக்குச் சென்றுவிட்டன. முதலீடுகளை ஈர்த்து தமிழ்நாட்டுக்குப் பெருமை சேர்த்த கைடன்ஸ் தமிழ்நாடு அமைப்பே இந்த ஆட்சியில் தனிநபர்களின் ego-வுக்கு காவு கொடுக்கப்பட்டுவிட்டது. எல்லாத் துறைகளிலும் இவ்வளவு வேகமாக Reverse Gear-இல் செல்வது எப்படி என இவர்களிடம்தான் கற்றுக்கொள்ள வேண்டும்.

காலையில் கடந்து வந்த இரு செய்திகள்: 1) GST வருவாய் வளர்ச்சியில் தேசிய சராசரிக்கும் கீழே த.வெ.க. ஆட்சியில் தமிழ்நாட்டின் வளர்ச்சி புதைக்கப்பட்டிருக்கிறது. 2) தமிழ்நாட்டுக்கு வர வேண்டிய 1,614 கோடி ரூபாய் கொரிய முதலீடுகள் த.வெ.க. அரசின் அலட்சியத்தால் ஆந்திராவுக்குச் சென்றுவிட்டன. முதலீடுகளை ஈர்த்து தமிழ்நாட்டுக்குப் பெருமை சேர்த்த @Guidance_TN அமைப்பே இந்த ஆட்சியில் தனிநபர்களின் ego-வுக்கு காவு கொடுக்கப்பட்டுவிட்டது. எல்லாத் துறைகளிலும் இவ்வளவு வேகமாக Reverse Gear-இல் செல்வது எப்படி என இவர்களிடம்தான் கற்றுக்கொள்ள வேண்டும். இதுவெல்லாம் என்னவென்றே புரியாத, தெரியாத நம் முதலமைச்சரோ இடைத்தேர்தல் நடக்கும் தொகுதிகளில் கையசைத்து show காட்டக் கிளம்பிவிட்டார். Brace for tough times. Tamil Nadu is doomed under the TVK government. #TVKfails #KIA #Hyundai #AndhraPradesh #Automobiles @nidhi_sharma
— M.K.Stalin (@mkstalin) November 2, 2026

இதுவெல்லாம் என்னவென்றே புரியாத, தெரியாத நம் முதலமைச்சரோ இடைத்தேர்தல் நடக்கும் தொகுதிகளில் கையசைத்து show காட்டக் கிளம்பிவிட்டார். கடினமான காலங்களுக்குத் தயாராக இருங்கள். தவெக ஆட்சியின் கீழ் தமிழ்நாடு அழிவைச் சந்திக்கும்” என தனது எக்ஸ் பக்கத்தில் பதிவிட்டுள்ளார்.

news18