மௌனம்!

உருவம் தரும் கரங்களுக்கோ
உள்ளே நுழைக்கும் விரல்களுக்கோ
உரிமையாளருக்கோ
விற்பனையாளருக்கோ
வாடிக்கையாளருக்கோ

புரிவதேயில்லை
எது உலையை பற்ற வைக்கும்?
எது குடிசையை கொழுத்தும்?
எது மெழுகுவர்த்தியை உருக்கும்?
எது பீடியின் புகையை கிளப்பும்?
எது விளக்காகி வழிகாட்டும்?
எது காட்டை சாம்பலாக்கும்?
எது மத்தாப்பை சிதற வைக்கும்?
எது வெடிகுண்டால் கதற வைக்கும்?
எது பகை மூளச்செய்யும்?
எது கருவறையை அழகாக்கும்?
எது சிதையை முடித்து வைக்கும்?
எது தீபத்தை புனிதமாக்கும்?

ஒரு சிறிய நெருப்புப் பெட்டிக்குள்
ஒரு ஞானியின் மௌனம்...