இந்தியாவின் சாவித்ரி ஜிண்டால் ஆசியாவின் புதிய பணக்காரர்

ஜிண்டால் குழுமத்தின் தலைவரான சாவித்ரி ஜிண்டால் 11.3 பில்லியன் டாலர் சொத்து மதிப்பைக் கொண்டுள்ளார். 72 வயதான இவர் 2021 ஆம் ஆண்டில் ஃபோர்ப்ஸின் பணக்கார இந்தியர்கள் பட்டியலில் முதல் 10 இடங்களில் உள்ள ஒரே பெண்மணி ஆவார்.

இந்தியாவின் சாவித்ரி ஜிண்டால் தற்போது சீனாவின் யாங் ஹுயானை பின்னுக்கு தள்ளி ஆசியாவின் புதிய பணக்கார பெண்மணி என்ற பெருமையை பெற்றுள்ளார். கடந்த ஐந்து ஆண்டுகளாக, ஆசியாவின் பணக்கார பெண்மணி என்ற பட்டத்தை ஹுயான் வைத்திருந்தார். சீனாவின் மிகப்பெரிய ரியல் எஸ்டேட் டெவலப்பர் நிறுவனத்தை அவர் கட்டுப்படுத்துகிறார். இருப்பினும், சீனாவில் உள்ள ரியல் எஸ்டேட் நிறுவனங்கள் மீதான அரசாங்கத்தின் ஒடுக்குமுறையின் தாக்கம் அவரது செல்வத்தை குறைத்துள்ளதாக கூறப்படுகிறது. ப்ளூம்பெர்க் பில்லியனர் குறியீட்டின்படி, ஹூயனின் செல்வம் கடந்த ஆண்டு சுமார் 24 பில்லியன் டாலரிலிருந்து 11 பில்லியன் டாலராகக் குறைந்துள்ளது.

மறுபுறம், ஜிண்டால் குழுமத்தின் தலைவரான சாவித்ரி ஜிண்டால் 11.3 பில்லியன் டாலர் சொத்து மதிப்பைக் கொண்டுள்ளார். 72 வயதான இவர் 2021 ஆம் ஆண்டில் ஃபோர்ப்ஸின் பணக்கார இந்தியர்கள் பட்டியலில் முதல் 10 இடங்களில் உள்ள ஒரே பெண்மணி ஆவார். ஃபோர்ப்ஸின் கூற்றுப்படி, கடந்த சில ஆண்டுகளாக அவர் இந்தியாவின் பணக்கார பெண்மணியாக கருதப்படுகிறார், அதைத் தொடர்ந்து கிரண் மஜும்தார் மற்றும் கிருஷ்ணா கோத்ரேஜ் ஆகியோர் இந்தியாவின் பணக்கார பெண்கள் பட்டியலில் உள்ளனர். 2005 ஆம் ஆண்டில், சாவித்திரி ஜிண்டாலின் கணவரும் ஜிண்டால் குழுமத்தின் நிறுவனருமான ஓம் பிரகாஷ் ஜிண்டால் இறந்தார். இதன் பிறகு சாவித்ரி ஜிண்டால் தொழிலை எடுத்து நீட்டித்தார்.

சாவித்ரி தேவி 1950 ஆம் ஆண்டு அசாமில் உள்ள டின்சுகியாவில் பிறந்தார். 1970 இல், ஜிண்டால் குழுமத்தின் நிறுவனர் ஹரியானாவைச் சேர்ந்த ஓம்பிரகாஷ் ஜிண்டாலை மணந்தார். ஜிண்டால் குழுமம் எஃகு உற்பத்தி மற்றும் பல துறைகளில் ஈடுபட்டுள்ளது. அறிக்கைகளின்படி, OP ஜிண்டால் மற்றும் சாவித்ரிக்கு ஒன்பது குழந்தைகள் உள்ளனர், அதில் நான்கு மகன்கள் பிருத்விராஜ் ஜிண்டால், சஜ்ஜன், ரத்தன் மற்றும் நவீன். மூத்த மகன் பிருத்விராஜ் ஜிண்டால் சா நிறுவனத்தின் தலைவராகவும், இரண்டாவது மகன் சஜ்ஜன் ஜிண்டால் JWS நிறுவனத்தின் தலைமைப் பொறுப்பை ஏற்றுள்ளார். மூன்றாவது மகன் ரத்தன் நிறுவனத்தில் இயக்குநர் பதவியிலும், குடும்பத்தின் இளைய மகன் நவீன் ஜிண்டால் 'ஜிண்டால் ஸ்டீல்' தலைவராகவும் உள்ளார். எம்.பி.யாகவும் இருந்துள்ளார்.