போர் விமானம் மோதும் பயங்கர காட்சி... 13 பேர் பலி!

ரஷ்யாவின் தெற்கு பகுதியில் அமைந்திருக்கும் ஐஸ்க் (Yeysk) நகரில், ரஷ்ய போர் விமானம் ஒன்று மோதி பெரும் விபத்து ஏற்பட்டது. 

இந்த விபத்தில் 13 பேர் உயிரிழந்ததாக தெரிவிக்கப்பட்டது.

ஐஸ்க், உக்ரைன் நாட்டிற்கு அருகில் உள்ள ரஷ்ய நகரம் என கூறப்படுகிறது. விபத்தை ஏற்படுத்திய போர் விமானத்தின், விமானிகள் விபத்திற்கு முன்னரே வெளியேறிவிட்டதாகவும் கூறப்படுகிறது. விபத்துக்குள்ளானது சுகோய் சு-34 ரக சூப்பர்சோனிக் போர் விமானம் என தெரிவிக்கப்பட்டது. 

ராணுவ விமான நிலையத்தில் இருந்து பயிற்சியாக புறப்பட்ட இந்த விமானம் விபத்தில் சிக்கியதாக ரஷ்ய ராணுவ அமைச்சகம் தெரிவித்துள்ளது.

Watch the moment of military #plane #crash at a residential building in #Yeysk , #Russia. pic.twitter.com/TEunPX3KQl

— Gaurav Kumar Singh (@GKSinghJourno) October 17, 2022

இதுகுறித்து, ரஷ்ய அதிபர் மாளிகை,"போர் விமான விபத்தால் பாதிக்கப்பட்டவர்களை மீட்கும் வகையிலும், அவர்களுக்கு நிவாரணம் வழங்கவும் நடவடிக்கைகள் முடுக்கிவிடப்பட்டுள்ளது" என தெரிவித்துள்ளது.

 இந்நிலையில், தற்போது விமானம் குடியிருப்பு கட்டடங்களின் மீது மோதும் காட்சிகள் தற்போது வெளியாகியுள்ளன. 9 மாடி குடியிருப்பின் மீது போர் விமானம் மோதியதும், அங்கு பெரும் தீ விபத்து ஏற்படுவது வீடியோவில் பதிவாகியுள்ளது.

 zeenews