இலங்கையின் அரச வங்கித்துறைக்கு ஏற்பட்டுள்ள பெரும் ஆபத்து

நாட்டின் நிதித்துறையில் செயற்படும் அரச வங்கியின் தற்போதைய கணக்குகளை உடனடியாக வேறு வங்கிகளுக்கு மாற்றவுள்ளதாக அனைத்து அரச கூட்டுத்தாபனங்கள் மற்றும் திணைக்களங்களின் தலைவர்கள் நிதியமைச்சகத்திற்கு அறிவித்துள்ளனர்.

இதற்கு மேலதிகமாக பல தனியார் வர்த்தகர்களும் நிதியமைச்சர் என்ற ரீதியில் ஜனாதிபதி ரணில் விக்ரமசிங்கவிடம் தமது கணக்குகளை உரிய அரச வங்கியில் இருந்து வருத்தத்துடனேனும் மீளப் பெறவுள்ளதாக அறிவித்துள்ளனர்.

வேலைநிறுத்தம் போன்றவற்றால் தொடர்ந்தும் பிரச்சினைகள் ஏற்பட்டால் தமது வர்த்தக நடவடிக்கைகள் பாதிக்கப்படலாம் என்பதால், அரச வங்கியில் இருந்து தமது கணக்குகளை மீளப்பெற வேண்டும் என்ற நிலைமை ஏற்பட்டுள்ளதாக வர்த்தகர்கள் ஜனாதிபதிக்கு அறிவித்துள்ளனர்.

அரச வங்கி ஊழியர்களும் நேற்று முன்தினம் வேலைநிறுத்தத்தில் ஈடுபட்டதன் காரணமாக நிதி விவகாரங்களை பேண முடியாமல் பல பிரச்சினைகளை எதிர்நோக்க நேரிட்டதாக கூட்டுத்தாபன மற்றும் திணைக்களங்களின் தலைவர்கள் ஜனாதிபதியிடம் மேலும் வலியுறுத்தியுள்ளனர்.

அரச வங்கிகளில் சேவைகளை பெற சென்ற ஊழியர்கள் தமது தேவைகளுக்குப் பணத்தை எடுக்க முடியாமல் தவிப்பதாகவும், இதனால் வாடிக்கையாளர்கள் வேறு மாற்று வழிகளைத் தேட முடியாமல் சிரமப்படுவதாகவும் அரச கூட்டுத்தாபனங்கள் மற்றும் திணைக்களத் தலைவர்கள் நிதியமைச்சகத்திற்கு விளக்கமளித்துள்ளனர்.

எனவே, பெருநிறுவனங்கள் மற்றும் துறைகளின் தலைவர்கள், தங்களது கணக்குகளை அத்தியாவசியமான விடயமாக கருதி, சம்பந்தப்பட்ட அரசு வங்கியில் இருந்து வேறு வங்கிகளுக்கு மாற்ற தேவையான நடவடிக்கை எடுக்க நிதி அமைச்சகத்திடம் கோரிக்கை விடுத்துள்ளனர்.

tamilwin

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGISH