காசா விவகாரத்தில் பாரபட்சமின்றி செயல்படுமாறு ICJ ஐ ஈரான் வலியுறுத்துகிறது

இஸ்ரேலுக்கு எதிராக தென்னாப்பிரிக்கா சுமத்தியுள்ள குற்றச்சாட்டுகளை "பாரபட்சமின்றி" கையாளுமாறு சர்வதேச நீதிமன்றத்தை (ICJ) ஈரான் வலியுறுத்தியுள்ளது. 

"காசா மக்களுக்கு எதிரான குற்றம் தொடர்பாக சியோனிச ஆட்சிக்கு எதிரான தென்னாப்பிரிக்கா மற்றும் வேறு சில அரசாங்கங்களின் புகாரை சர்வதேச நீதிமன்றம் பாரபட்சமின்றி விசாரிக்க வேண்டும் என்று நாங்கள் நம்புகிறோம்,  மேலும் அமெரிக்காவின் அரசியல் மற்றும் அரசியல் அல்லாத அழுத்தங்களுக்கு அடிபணியக்கூடாது. என ஈரான் வெளியுறவு அமைச்சக செய்தித் தொடர்பாளர் நாசர் கனானி தெரிவித்தார்.

முற்றுகையிடப்பட்ட காசா பகுதியில் இஸ்ரேல் இனப்படுகொலை செய்ததாக குற்றம் சாட்டி வியாழன் அன்று  தென்னாப்பிரிக்காவின் வாதங்களைக் ஐ.சி.ஜே., ஐ.நா கேட்கத் தொடங்கியது.

" இஸ்ரேலின் இந்த  இனப்படுகொலையானது ,பாலஸ்தீனிய மக்களின் உரிமைகளை பறிப்பதாகும் .இஸ்ரேலின் இந்தச் செயல் பாலஸ்தீன் பிரச்சினைய தீர்க்க முடியாத ஒரு நிலைக்கு கொண்டு செல்லும் . ஆகவே அவசரமாக செயல்படுமாறு ஐ.சி.ஜே., ஐ.நா வைதென்னாபிரிக்கா கேட்டுள்ளது..

தென்னாப்பிரிக்கா டிசம்பர் மாத இறுதியில் இந்த வழக்கை தாக்கல் செய்தது, இஸ்ரேலிய பொது அதிகாரிகளின் அறிக்கைகள் மற்றும் அதன் இராணுவத்தின் நடவடிக்கைகள் ஆகியவற்றை மேற்கோள் காட்டி, இஸ்ரேல் தனது இராணுவ பிரச்சாரத்தை இடைநிறுத்துவதற்கான அவசர உத்தரவை கோரியது.

காஸா மீது நடந்து வரும் போரில் 9,000க்கும் மேற்பட்ட குழந்தைகள் உட்பட 23,000க்கும் மேற்பட்ட பாலஸ்தீனியர்கள் கொல்லப்பட்டுள்ளனர்.

டிசம்பர் 29 அன்று ICJ க்கு சமர்ப்பிக்கப்பட்ட 84 பக்க விண்ணப்பத்தில், தென்னாப்பிரிக்கா காசாவில் இஸ்ரேலின் நடவடிக்கைகள் "இனப்படுகொலை தன்மை கொண்டவை, ஏனெனில் அவை பாலஸ்தீனிய தேசிய, இன மற்றும் இனக்குழுவின் கணிசமான பகுதியை அழிக்கும் நோக்கம் கொண்டவை" என்று கூறியது.

ICJ ஐ.நா.வின் உச்ச நீதிமன்றமாகும். 1945 இல் நிறுவப்பட்டது, இது நாடுகளுக்கிடையேயான மோதல்களைக் கையாள்வது மற்றும் ஆலோசனைக் கருத்துக்களை வழங்குகிறது. 15 நீதிபதிகள் ஐ.நா பொதுச் சபை மற்றும் பாதுகாப்பு கவுன்சிலால் ஒன்பது ஆண்டு காலத்திற்கு தேர்ந்தெடுக்கப்பட்டனர்.

இந்த வழக்கில் தென்னாப்பிரிக்கா மற்றும் இஸ்ரேல் ஆகிய இரு தரப்பிலிருந்தும் ஒரு நீதிபதியை சேர்த்து நீதிமன்றத்தை விரிவுபடுத்தலாம். 

அமெரிக்கா, ரஷ்யா, சீனா, ஸ்லோவாக்கியா, மொராக்கோ, லெபனான், இந்தியா, பிரான்ஸ், சோமாலியா, ஜமைக்கா, ஜப்பான், ஜெர்மனி, ஆஸ்திரேலியா, உகாண்டா மற்றும் பிரேசில் ஆகிய நாடுகளைச் சேர்ந்தவர்கள்

ICJ இன் தற்போதைய நீதிபதிகளாக கடமையாற்றுகின்றனர்.

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH