அந்தப் போட்டியில் டாஸ் வென்ற தென்னாபிரிக்கா முதலில் பந்து வீசுவதாக அறிவித்தது. அதைத் தொடர்ந்து களமிறங்கிய ஆஸ்திரேலியா தடுமாற்றமாக விளையாடி 20 ஓவரில் போராடி 134-5 ரன்கள் குவித்தது. அதிகபட்சமாக பெத் மூனி 43, கேப்டன் தஹிலா மெக்ராத் 27, எலிஸ் பெரி 31 ரணகள் எடுத்தனர். தென்னாபிரிக்காவுக்கு அதிகபட்சமாக அயாபாங்கோ காகா 2 விக்கெட்டுகளை வீழ்த்தினார்.
அதைத் தொடர்ந்து 135 ரன்களை துரத்திய தென்னாப்பிரிக்காவுக்கு டஸ்மின் பிரிட்ஸ் 15 ரன்களில் லீச்பீல்ட் வேகத்தில் அவுட்டானார். ஆனால் மறுபுறம் கேப்டன் லாரா வோல்வர்ட் நங்கூரமான ஆட்டத்தை வெளிப்படுத்தினார். அவருடன் அடுத்ததாக ஜோடி சேர்ந்த அன்னேக்கே போஸ் அதிரடியாக விளையாடி ஆஸ்திரேலிய பவுலர்களை பந்தாடினார்.
அந்த வகையில் மிடில் ஓவர்களில் அதிரடியாக விளையாடிய அந்த ஜோடி இரண்டாவது விக்கெட்டுக்கு 96 ரன்கள் பார்ட்னர்ஷிப் அமைத்து தென்னாபிரிக்காவை வெற்றி பாதைக்கு அழைத்து வந்தது. அப்போது கேப்டன் லாரா 42 ரன்களில் லீச்பீல்ட் வேகத்தில் அவுட்டானார். ஆனால் மறுபுறம் தொடர்ந்து அட்டகாசமாக விளையாடிய போஸ் 8 பவுண்டரி ஒரு சிக்சருடன் 74* (48) ரன்கள் குவித்து சூப்பர் ஃபினிஷிங் கொடுத்தார்.
அதனால் 17.2 ஓவரிலேயே 135-2 ரன்கள் எடுத்த தென்னாபிரிக்கா 8 விக்கெட் விக்கெட் வித்தியாசத்தில் வெற்றி பெற்றது. அதன் வாயிலாக மகளிர் டி20 உலகக் கோப்பையில் ஆஸ்திரேலியாவுக்கு எதிராக முதல் முறையாக வெற்றியை பதிவு செய்து தென்னாபிரிக்கா வரலாறு காணாத சாதனை படைத்தது. அதுபோக மகளிர் டி20 உலகக் கோப்பையில் கடைசியாக விளையாடிய 15 போட்டிகளிலும் ஆஸ்திரேலியா தொடர்ச்சியாக வெற்றி பெற்று வந்தது.
ஆனால் இன்று அதை உடைத்துள்ள தென்னாபிரிக்கா இந்த உலகக் கோப்பையிலிருந்து நடப்பு சாம்பியன் ஆஸ்திரேலியாவை நாக் அவுட் செய்து வீட்டுக்கு அனுப்பியது. கடைசியாக 2009 செமி ஃபைனலில் ஆஸ்திரேலியா தோற்றது. அதன் பின் தொடர்ச்சியாக செமி ஃபைனலில் வென்று ஃபைனலுக்கும் தகுதி பெற்ற ஆஸ்திரேலியா 6 முறை கோப்பையை வென்று மகளிர் கிரிக்கெட்டின் அசுரனாக சாதனை படைத்தது.
ஆனால் அப்படிப்பட்ட ஆஸ்திரேலியா 15 வருடங்கள் கழித்து முதல் முறையாக நாக் அவுட் செய்யப்பட்டுள்ளது. இது போக ஒட்டுமொத்த கிரிக்கெட்டில் தென்னாப்பிரிக்காவை 1999, 2000, 2007, 2022, 2023 ஆகிய ஐசிசி உலகக் கோப்பைகளில் ஆஸ்திரேலியா நாக் அவுட் செய்தது. ஆனால் வரலாற்றில் தற்போது முதல் முறையாக ஆஸ்திரேலியாவை நாக் அவுட் செய்து தென் ஆப்பிரிக்கா கொஞ்சம் பழி தீர்த்து அசத்தியுள்ளது.
crictamil
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments