விமானப் பயணத்தின் பயத்தை மறக்கவைக்கும் நாய்

வேட்டை Monday, January 06, 2025

விமான நிலையத்தில் பரபரப்பான சூழலைக் கையாள ஒரு புதுமையான வழி கிடைத்திருக்கிறது.

வடக்கு மசடோனியாவில் (Macedonia) உள்ள ஒரு விமான நிலையத்தில் பயணத்திற்கு முன்பு பதற்றத்திற்கு ஆளாகும் பயணிகளைச் சாந்தப்படுத்த நாலுகால் நண்பன் உதவிக்கு வருகிறது.

கோல்டன் ரெட்ரீவர் டினோ (Golden Retriever Dino) எனும் அந்த மூன்று வயது நாய் பயணிகளின் கவனத்தை வெகுவாகக் கவர்கிறது.

அது ஸ்கோப்ஜே (Skopje) அனைத்துலக விமான நிலையத்தில் வேலை செய்கிறது.

விமான நிலையத்தின் பாதுகாப்பிற்காக நாய்களை வைத்திருப்பது வழக்கம்.

டினோ பயணிகளை மகிழ்விப்பதற்காக விமான நிலையத்தை வலம் வருகிறது.

கடந்த ஆண்டு நவம்பர் மாதம் முதல் டினோ அதன் பயிற்றுவிப்பாளருடன் அந்த விமான நிலையத்தைச் சுற்றி வருகிறது.

பயணிகளுக்கு அருகே டினோ அமரும்போது அதன் அழகில் சொக்கிப்போகும் பயணிகள் விமானப்பயணம் குறித்த கவலைகளை மறந்து சிரிக்கத் தொடங்குகின்றனர்.

சில பயணிகள் தடவிக்கொடுப்பர்; மற்றுஞ்சிலர் கட்டித் தழுவுவர்.

அதனால் டினோவுக்கு மட்டுமல்ல, பயணிகளுக்கும் மகிழ்ச்சி.

seithi