கலங்குகிறேன் நானே!

நெஞ்சுக்குள் குழியிட்டு

நீராகக் குருதியிட்டு

பொத்திப் பொத்தி 

வளர்த்து வந்தேன்

ஆசையொன்று.

பூவாட்டம் வாசமில்லை 

தேராட்டம் அழகுமில்லை .

ஆனாலும்  தேவையானதே

அந்த ஆசை

சின்னப் பொண்ணு எனக்கு. 

காதலென்று பேரிட்டு

கண்மணியாள் உள்ளத்திலே

வேர் விட்ட ஆசையது.

தேசமெல்லாம் பேர் போனது 

தேவையானதே இவளுக்கும்.

ஊரும் உறவும் பார்த்திடாமல் 

நரம்போடு எலும்பாலும்

வேலியிட்டு வளர்த்து வந்தேன்  .

ஊருக்கும் தெரியவில்லை

உற்றவனும் அறியவில்லை 

ஊமைக் காதலதை.

வளராமல் வாடுதே 

முளையிலே கருகுதே

காதல் செடி கானல்நீர் 

இட்டால் காணாமல் 

போயிடுமோ 

கலங்குகிறேன் நானே.

ஆர்.எஸ்.கலா 

இலங்கை |  இந்தியா | உலகம் 

தமிழ்நாடு | விளையாட்டு 

தொடர்கதை | சிறுகதை 

கவிதை | செந்தமிழ் இலக்கியம் 

இஸ்லாமிய சிந்தனை 

மொழிபெயர்ப்புக் கதைகள் 

கட்டுரைகள் |  Ai SONGS |

ஆரோக்கியம் |வரலாறு|

சமையல்|HOME

Email;vettai007@yahoo.com