குறள் மொழியில் மிளிரும் நபி மொழிகள்!-15

வேட்டை Sunday, February 15, 2026

இனியவை கூறல்

குறள் மொழி 46

அல்லவை தேய அறம்பெருகும் நல்லவை

நாடி இனிய சொலின்.குறள் எண் :96

குறள் மொழியின் பொருள் :

நன்மையைத் தரும் இனிய சொற்களை உவப்புடன்

பயன்படுத்திப் பேசி, செயல்படுபவன் என்றால் அங்கு

தீமைகள் அழிந்து அறம் சார்ந்த நன்மைகள் வளரும்.

நபி மொழி:

நிச்சயமாக நீங்கள் செய்யும் நன்மைகள், தீமைகளை

நீக்கிவிடும்; மன நிறைவைத் தரும்.

இறை வசனம். ஆதாரம் : திருக் குர்ஆன் 11/114

ஊழ்

குறள் மொழி 47

பரியினும் ஆகாவாம் பாலல்ல உய்த்துச்

சொரியினும் போகா தம.குறள் எண் :376

குறள் மொழியின் பொருள் :

தமக்கு உரிமை இல்லாத செல்வத்தை, பொருளை

எப்படிக் காப்பாற்றினாலும் அது நிற்காது; நமக்குக்

கிடைக்காது. அது போல், தனக்கு உரிமையுள்ள நமக்கான செல்வமோ, பொருளோ அதைத் தூக்கி எறிந்தாலும் அது நம்மை விட்டுப் போகாது.

நபிமொழி:

அல்லாஹ்வின் நாட்டம். இயற்கை விதியானது என்ன

வெனில், உங்களுக்கு விதிக்கப்பட்டது இரண்டு மலைகளுக்கு இடையே இருந்தாலும் அது உங்களை வந்துசேரும்,அதுபோல், உங்களுக்கு விதிக்கப்படாதது, உங்கள் உதடுளுக்கு இடையே இருந்தாலும் நீங்கள் அதனை ஒருபோதும் அடையவே மாட்டீர்கள்.

ஆதாரம் : நூல் அஹமத்.

(தொடரும்)