இலங்கை சுற்றுலா வரலாற்றில் மாதமொன்றில் பதிவான அதிகளவான சுற்றுலாப் பயணிகளின் வருகை 2026 ஜனவரி மாதத்தில் உறுதிப்படுத்தப்பட்டுள்ளது. இம்மாதத்தில் 275,000 க்கும் அதிகமான சுற்றுலாப் பயணிகள் நாட்டுக்கு வருகை தந்துள்ளனர்.
சுற்றுலாத்துறையை மேம்படுத்துவதற்காக அரசாங்கம் முன்னெடுத்து வரும் விசேட திட்டங்களின் காரணமாகவே இந்த அதிகரிப்பு ஏற்பட்டுள்ளது. 2026 ஜனவரி மாதத்தில் மாத்திரம் மொத்தம் 277,327 சுற்றுலாப் பயணிகள் வருகை தந்துள்ளதாக இலங்கை சுற்றுலா அபிவிருத்தி அதிகார சபை (SLTDA) தெரிவித்துள்ளது.
ஜனவரி மாதத்தில் அதிகளவான சுற்றுலாப் பயணிகள் கடந்த 15 ஆம் திகதி வருகை தந்துள்ளனர். அன்றைய தினம் மாத்திரம் 10,483 பயணிகள் நாட்டை வந்தடைந்துள்ளனர்.
நாடுகளின் அடிப்படையில் அதிகளவான சுற்றுலாப் பயணிகள் இந்தியாவிலிருந்து வருகை தந்துள்ளனர். அவர்களின் எண்ணிக்கை 52,061 ஆகும்.
இங்கிலாந்து: 29,540
ரஷ்யா: 27,134
ஜேர்மனி: 17,776
சீனா: 14,003
itnnews
கட்டுரைகள் | Ai SONGS |
Email;vettai007@yahoo.com
0 Comments