டிரம்பின் புதிய 'சுதந்திரத் திட்டம்' — நீங்கள் தெரிந்துகொள்ள வேண்டிய அனைத்தும்

ஹோர்முஸ் ஜலசந்தி மூடப்பட்டதன் காரணமாகச் சிக்கிக்கொண்ட கப்பல்களுக்கு வழிகாட்ட அமெரிக்கா உதவும் என டிரம்ப் அறிவித்தார்.

சமீபத்தில், அமெரிக்க அதிபர் டோனல்ட் டிரம்ப், "சுதந்திரத் திட்டம்" என்ற புதிய முன்னெடுப்பை அறிவித்துள்ளார்.

ஹோர்முஸ் ஜலசந்தி மூடப்பட்டதன் காரணமாகச் சிக்கிக்கொண்ட கப்பல்களுக்கு அமெரிக்கா "வழிகாட்ட" உதவும் என்று டிரம்ப் அறிவித்தார்.

அமெரிக்காவும் இஸ்ரேலும் ஈரான் மீது வான்வழித் தாக்குதல்களைத் தொடங்கியதிலிருந்து அந்த ஜலசந்தி பெரும்பாலும் தடுக்கப்பட்டே உள்ளது. அதற்குப் பதிலளிக்கும் விதமாக, உலகின் 20% எண்ணெய் மற்றும் திரவமாக்கப்பட்ட இயற்கை எரிவாயு தடையின்றி கடந்து செல்ல வேண்டிய அந்த முக்கிய நீர்வழியை தெஹ்ரான் தடுத்துள்ளது.

"ஹோர்முஸ் ஜலசந்தியில் சிக்கிக்கொண்ட" மற்றும் "வெறும் நடுநிலையான, அப்பாவிப் பார்வையாளர்களாக" இருந்த தங்கள் கப்பல்களை விடுவிக்க உதவுமாறு "உலகெங்கிலும் உள்ள" நாடுகள் அமெரிக்காவைக் கேட்டுக்கொண்டதாக அதிபர் கூறினார்.

எனவே, இதற்குப் பதிலளிக்கும் விதமாக, அமெரிக்கா தனது கப்பல்களை இந்தத் தடைசெய்யப்பட்ட நீர்வழிகளிலிருந்து பாதுகாப்பாக வெளியேற்றும்.

"இந்தக் கப்பல் இயக்கம் என்பது, முற்றிலும் எந்தத் தவறும் செய்யாத, சூழ்நிலையால் பாதிக்கப்பட்ட மக்கள், நிறுவனங்கள் மற்றும் நாடுகளை விடுவிப்பதற்காக மட்டுமேயானது," என்று டிரம்ப் தனது 'ட்ரூத் சோஷியல்' தளத்தில் பதிவிட்டிருந்தார்.

"இது அமெரிக்கா மற்றும் மத்திய கிழக்கு நாடுகள் சார்பாகவும், குறிப்பாக ஈரான் சார்பாகவும் எடுக்கப்பட்ட ஒரு மனிதாபிமான நடவடிக்கை" என்று அவர் மேலும் கூறினார் — ஏனெனில், இந்தக் கப்பல்களில் பலவற்றில், "பெரிய அளவிலான பணியாளர்கள் ஆரோக்கியமாகவும் சுகாதாரமாகவும் கப்பலில் தங்குவதற்குத் தேவையான உணவு மற்றும் பிற அனைத்துப் பொருட்களின் இருப்பும் குறைந்து வந்தது."