10 லட்சத்துக்கு மேல் உயிரிழப்புகளை ஏற்படுத்தும் சிறிய பூச்சி... எதுனு தெரிஞ்சா ஷாக் ஆயிடுவீங்க!!

பூமியில் மிகவும் ஆபத்தான விலங்கு எது என்று கேட்டால், பெரும்பாலானவர்கள் சிங்கம், புலி, முதலை, பாம்பு அல்லது சுறா எனக் கூறுவார்கள். பெரிய, வலிமையான, பயமுறுத்தும் இந்த விலங்குகள்தான் அதிக மக்களை கொல்கின்றன என்றும் பலர் நம்புகிறார்கள். ஆனால் அது உண்மையல்ல. அந்த உயிரினம் எது என தெரிந்துகொள்ளலாம்.

பூமியில் மிகவும் ஆபத்தான விலங்கு எது என்று கேட்டால், பெரும்பாலானவர்கள் சிங்கம், புலி, முதலை, பாம்பு அல்லது சுறா எனக் கூறுவார்கள். பெரிய, வலிமையான, பயமுறுத்தும் இந்த விலங்குகள்தான் அதிக மக்களை கொல்கின்றன என்றும் பலர் நம்புகிறார்கள். ஆனால் அது உண்மையல்ல. உலகில் அதிக உயிர்களை கொல்வது, நம்மைச் சுற்றி இருக்கும் சிறிய கொசுக்கள் தான்.

உலக சுகாதார அமைப்பு மற்றும் பல ஆய்வுகளின்படி, ஒவ்வொரு ஆண்டும் கொசுக்களால் பரவும் நோய்களால் சுமார் 9,00,000 முதல் 10,00,000 பேர் வரை இறக்கின்றனர்.

கொசுக்கள் மனிதர்களை நேரடியாகக் கொல்வதில்லை. அவை கடிக்கும் போது உடலுக்குள் செல்லும் வைரஸ்கள்தான் ஆபத்தான நோய்களை ஏற்படுத்துகின்றன. மலேரியா, டெங்கு, சிக்குன்குனியா, ஜிகா வைரஸ், மஞ்சள் காய்ச்சல் போன்ற நோய்கள் முக்கியமாக கொசுக்களால் பரவுகின்றன. இதில் மலேரியா மிகவும் ஆபத்தானது. குறிப்பாக ஆப்பிரிக்கா மற்றும் ஆசியாவின் சில பகுதிகளில், இந்த நோய் ஆயிரக்கணக்கான குழந்தைகளையும் உடல்நலம் பாதிக்கப்பட்டவர்களையும் கொல்கிறது.

மற்ற ஆபத்தான விலங்குகளுடன் ஒப்பிடும்போது, கொசுக்களால் ஏற்படும் மரணங்கள் மிகவும் அதிகம். உதாரணமாக, பாம்புகள் ஆண்டுக்கு சுமார் 1,00,000 மரணங்களை ஏற்படுத்துகின்றன. நாய்கள், வெறிநாய்க்கடி நோயால், ஆயிரக்கணக்கான மரணங்களை ஏற்படுத்துகின்றன. முதலைகள் சுமார் 1,000 பேரையும், சிங்கங்கள் சில நூறு பேரையும் கொல்கின்றன. ஆனால் கொசுக்களால் ஏற்படும் மரணங்கள் இவை அனைத்தையும் விட பல மடங்கு அதிகம்.

கொசுக்களின் எண்ணிக்கை அதிகரிப்பதற்குக் காரணம் சுற்றுச்சூழலே ஆகும். மழைக்காலத்தில் தேங்கி நிற்கும் நீர், சுகாதாரமற்ற சூழல், குப்பைக் குவியல்கள், அதிக ஈரப்பதம் உள்ள இடங்கள் ஆகியவை கொசுக்கள் பெருகுவதற்கு மிகவும் உகந்த இடங்களாக இருக்கின்றன. குறிப்பாக வளரும் நாடுகளில், சுத்தமின்மை காரணமாக கொசுக்கள் வேகமாக அதிகரிக்கின்றன. இதனால் நோய்கள் விரைவாகப் பரவுகின்றன.

கொசுக்களிடமிருந்து நம்மை பாதுகாத்துக் கொள்ள சில எளிய வழிகள் உள்ளன. வீட்டில் தண்ணீர் தேங்காமல் பார்த்துக் கொள்ள வேண்டும். ஜன்னல்களுக்கு வலைகள் பொருத்த வேண்டும். கொசு விரட்டும் மருந்துகள் அல்லது க்ரீம்கள் பயன்படுத்த வேண்டும். இரவில் படுக்கை வலை (மஸ்கிடோ நெட்) பயன்படுத்த வேண்டும். வீட்டும் சுற்றுப்புறமும் எப்போதும் சுத்தமாக இருக்க வேண்டும். அரசு மற்றும் சுகாதாரத் துறை வழங்கும் அறிவுறுத்தல்களைப் பின்பற்றினால், ஆபத்தை மிகவும் குறைக்கலாம்.

உலகில் அதிக மரணங்களை ஏற்படுத்தும் உயிரினம் பெரிய சிங்கமோ அல்லது விஷப் பாம்போ அல்ல. நம்மைச் சுற்றி சாதாரணமாகத் தெரியும் சிறிய கொசுதான். அதனால் கொசுவை அலட்சியமாக எடுத்துக் கொள்ளாமல், அதைப் பற்றி விழிப்புடன் இருந்து, முன்னெச்சரிக்கை நடவடிக்கைகளை எடுத்துக் கொள்வது அனைவருக்கும் மிகவும் முக்கியம்.

news18