சட்டையை சரி செய்த முதியவருக்கு கன்னத்தில் அறை

அல்பிட்டிய பகுதியில் இருந்து ஒரு வேடிக்கையான சம்பவம் பதிவாகியுள்ளது. ஒரு கருத்தரங்கிற்குப் பயணம் செய்த முதியவர் ஒருவருக்கு, பஸ்ஸில் ஏற்பட்ட கூட்ட நெரிசலால் கன்னத்தில் அறை வாங்கும் நிலை ஏற்பட்டது.

சமூக சேவகரான அந்த முதியவர், காலி நகரில் நடைபெற்ற கருத்தரங்கு ஒன்றில் கலந்துகொள்வதற்காக அல்பிட்டியவில் இருந்து பஸ்ஸில் பயணித்துள்ளார். பஸ்ஸில் கூட்டம் மிக அதிகமாக இருந்ததால், பயணிகள் அசையக்கூட முடியாத நிலை நிலவியது. அப்போது அவருக்கு முன்னால் ஒரு பெண் நின்றுகொண்டிருந்தார்.

நெரிசலின் காரணமாக அந்தப் பெண்ணின் முதுகுப்பகுதி முதியவரின் கைகளில் உரசிக் கொண்டே இருந்தது. அதே நேரத்தில், முதியவர் தனது சட்டையின் கழன்றிருந்த இரண்டு பொத்தான்களைச் சரி செய்ய முயன்றார். கூட்ட நெரிசலில் தனது கையைச் சட்டையைச் சரி செய்ய உயர்த்தியபோது, அது தற்செயலாக தனக்கு முன்னால் நின்றிருந்த பெண்ணின் முதுகில் பட்டது.

இதைச் சட்டையைச் சரி செய்யும் முயற்சியாகப் பார்க்காமல், தன்னை அந்தப் பெண் தவறாகத் தொட்டதாகக் கருதிய அந்தப் பெண், ஆத்திரமடைந்து முதியவரின் கன்னத்தில் ஓங்கி அறைந்தார். அத்துடன் தகாத வார்த்தைகளையும் பேசினார். பஸ்ஸில் இருந்த அனைவரும் இச்சம்பவத்தைக் கவனித்ததால் முதியவர் மிகுந்த அவமானத்திற்கு உள்ளானார்.

உடனடியாகச் சுதாரித்துக்கொண்ட முதியவர், கூட்ட நெரிசலில் தனது கழன்ற பொத்தான்களைச் சரிசெய்யவே தான் கையை உயர்த்தியதாக, அனைவருக்கும் கேட்கும்படி விளக்கமளித்தார். உண்மை நிலையை உணர்ந்த அந்தப் பெண், தான் செய்த தவறுக்கு அந்த முதியவரிடம் மன்னிப்புக் கேட்டுக்கொண்டார்.

நடந்த கசப்பான சம்பவத்தைப் பற்றிப் பேசும்போதெல்லாம், அந்தப் பெண் கொடுத்த கன்னத்தில் அறைந்த வலி இன்றும் தனக்கு நினைவிருப்பதாகக் கூறி முதியவர் நகைக்கிறார்.

tamilmirror