முன்னாள் அமைச்சர் பிரியங்கர ஜயரத்னவிற்கு 07 ஆண்டுகள் கடுங்காவல் சிறைத்தண்டனை!

வேட்டை Thursday, September 03, 2026

லஞ்ச ஊழல் ஆணைக்குழுவினால் தாக்கல் செய்யப்பட்ட ஊழல் குற்றச்சாட்டில் குற்றவாளியாகக் காணப்பட்ட முன்னாள் சிவில் விமான போக்குவரத்து அமைச்சர் பிரியங்கர ஜயரத்னவிற்கு விதிக்கப்பட்ட 14 ஆண்டுகள் கடுங்காவல் சிறைத்தண்டனையை, 7 ஆண்டுகளில் அனுபவித்து முடிக்கும் வகையில் கொழும்பு மேல் நீதிமன்ற நீதிபதி மொஹமட் மிஹாயில் (01) உத்தரவிட்டுள்ளார்.

2014ஆம் ஆண்டு ஐக்கிய மக்கள் சுதந்திரக் கூட்டமைப்பின் மே தினப் பேரணியில் கலந்துகொண்ட அரசியல் ஆதரவாளர்களுக்கு உணவு வழங்குவதற்காக, ஸ்ரீலங்கன் கேடரிங் (SriLankan Catering) நிறுவனத்தின் கணக்கிலிருந்து 3 இலட்சத்து 30 ஆயிரம் ரூபாய் (ரூ. 330,000) பணத்தை மாறவிலையிலுள்ள தனியார் உணவக நிறுவனமொன்றுக்கு செலுத்தியமை தொடர்பாக, அன்றைய சிவில் விமானப் போக்குவரத்து அமைச்சராக இருந்த பிரியங்கர ஜயரத்னவிற்கு எதிராக லஞ்ச அல்லது ஊழல் பற்றிய சாட்டப்பாராட்டுகளை புலனாய்வு செய்யும் ஆணைக்குழுவினால் கொழும்பு மேல் நீதிமன்றத்தில் குற்றப்பத்திரிகை தாக்கல் செய்யப்பட்டிருந்தது.

குறித்த பணத்தைச் செலுத்துவதற்காக அன்றைய சிவில் விமானப் போக்குவரத்து அமைச்சராக இருந்த பிரியங்கர ஜயரத்ன, ஸ்ரீலங்கன் கேடரிங் நிறுவனத்தின் நிறைவேற்று அதிகாரியைத் தூண்டியதாகக் குற்றப்பத்திரிகையில் குறிப்பிடப்பட்டிருந்தது.

ஊழல் புரிந்தமை மற்றும் அதற்காக அதிகாரிகளைத் தூண்டியமை ஆகிய இரண்டு குற்றச்சாட்டுகளுக்கும், ஒரு குற்றச்சாட்டிற்கு 07 ஆண்டுகள் வீதம் 14 ஆண்டுகள் கடுங்காவல் சிறைத்தண்டனை விதித்த நீதிமன்றம், அதனை 07 ஆண்டுகளில் ஏககாலத்தில் அனுபவித்து முடிக்குமாறு உத்தரவிட்டுள்ளது.

lankatruth