மனத்தில் வள்ளுவத்தை வாழ்த்து!

பிறப்பொக்கும் எல்லா உயிர்க்கும் 
சிறப்பொவ்வா
செய்தொழில் வேற்றுமை யான்.
குறள் 972

பிறக்கும் பொழுதில் நேர்மறை எண்ணம்
சிறகடிக்க இங்கே பிறந்தவர்கள் எல்லாம்
சிறப்பாக வாழ்வதற்கு வாழ்த்தி மகிழ்வார்!
பிறப்பொக்கும் எல்லோர்க்கும் இங்கு!

வளர்ந்து படித்தே அமைந்திடும் சூழல்
களங்களில் வாழும் நிலையிலே மாற்றம்
அலையலையாய் உண்டாக ஏற்ற இறக்கம்
கலங்கவைத்துத் தேர்நிலை காணும் நேரம்
மலைத்திருப்போம் வாழ்க்கையைப் பார்த்து.

அவரவர் பாதை தொழில்முறையில் மாறும்!
இணைந்தோர் பிரிவார்! பிரிந்தோர் இணைவார்!
அனைத்துமே செய்தொழில் வேற்றுமையால் தானே!
மனத்திலே வள்ளுவத்தை வாழ்த்து.