பாரியன்பன் நாகராஜன் - கவிதைகள்

 சி ந்திய சிவப்பு 

நிறம்மாறும் முன்னர் 

தண்டனையிலிருந்து 

தப்பித்திருக்கும் குற்றங்கள்.

 து ளிர்த்தது விதை 

ஆகாயத்தின் கருவறையில் 

சூலுற்றது நீர்.

 ச கதியில் விழுந்தாலும்

நிலத்தை உயிர்ப்பிக்கிறது

பறவையின் எச்சம்.

 ப ல மைல்களுக்கப்பாலிருந்து

மலைகளையும் வனங்களையும்

கடந்து வந்த நதி வலியறியாமல்

கடந்து கொண்டிருக்கிறது

என் ஊரையும்.

 யா னையைச் சாய்க்கும்

சாய்த்த யானையை

இழுக்கும்.

அத்தனையும் சாத்தியமாகும்

ஓர் எறும்பு நினைத்தால்!