சமீபத்தில் இதுபோன்ற ஒரு பிரமாண்ட நிகழ்வுதான் பாரிஸில் நடந்தது. 26 வயதான மெடலைன் ப்ரோக்வே என்பவரின் திருமணம், ஆடம்பர திருமணங்களின் கருத்தை புதிய உச்சத்திற்கு கொண்டு சென்றது. கிட்டத்தட்ட 491 கோடி ரூபாய் செலவில் நடைபெற்றதாக தெரிகிறது.
கார் டீலர்ஷிப் பிசினஸைக் கொண்ட குடும்பத்தைச் சேர்ந்த மெடலைன் ப்ரோக்வே, ஜேக்கப் லாக்ரோன் என்பவரை பாரிஸில் ஆடம்பரமான விழாவில் திருமணம் செய்து கொண்டார். அவர்களின் பிரமாண்டமான திருமணத்தின் வெளிப்பாடு மக்களை ஆச்சரியத்தில் ஆழ்த்தியது. மேலும், இந்த திருமண விழா ஒரு வாரம் முழுவதும் நீடித்தன. மெடலைனும் ஜேக்கப்பும் ஆடம்பரமான ஆடைகளை அணிந்து, அவர்களது பிரத்யேக திருமண ஆடைகளுடன் வந்தது விருந்தினர்களை ஆச்சரியத்தில் ஆழ்த்தியது. மேலும், திருமணத்திற்கு வந்த அனைத்து விருந்தினர்களும் தனிப்பட்ட ஜெட் விமானங்களில் மைதானத்திற்கு அழைத்து வரப்பட்டனர்.
திருமண இடம் என்பது ஒரு அரண்மனையில் நடந்ததாக தெரிகிறது. அமெரிக்க இசைக்குழுவான மரூன் 5 நிகழ்ச்சியுடன் விழாவை சிறப்பித்தது. மேலும், அரண்மனையும் ஏராளமான பூக்களால் அலங்கரிக்கப்பட்டிருப்பதை பார்க்க முடிகிறது. சமீபத்தில் சமூக ஊடகங்களில் பரவிய இந்த வீடியோ ஒரு வகையில் வைரலானாலும் மறுபுறம் நெட்டிசன்களிடையே விவாதங்களையும் கிளப்பியது. பார்ப்போரை பிரம்மிப்பில் ஆழ்த்தவே இந்த ஆடம்பர திருமணத்தை மேற்கொண்டதாக தம்பதி தரப்பில் தெரிவிக்கப்பட்டது.
அவர்களை பொருத்தவரை, எல்லைகளையும் எதிர்பார்ப்புகளையும் தாண்டிய கொண்டாட்டமாக இந்த திருமணம் பார்க்கப்படுகிறது.
news18
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
Tags:
உலகம்