திருக்குறள் விளக்கம்- திருநெவேலி குரலில்-121

குறள் 83. 

வருவிருந்து வைகலும் ஓம்புவான் வாழ்க்கை


பருவந்து பாழ்படுதல் இன்று.

நெதமும் வீட்டுக்கு வார விருந்தாளுங்களை அன்பா வரவேத்து, ஒபசரிச்சு அனுப்புதவொளுக்கு  ஒருநாளும் தும்பம் வந்து சங்கடப் படுத்தாது. 

குறள் 85. 

வித்தும் இடல்வேண்டும் கொல்லோ விருந்தோம்பி


மிச்சில் மிசைவான் புலம்.

வீட்டுக்கு வந்த விருந்தாளுங்களுக்கு, வயிறார சாப்பாடு போட்டுட்டு, மிஞ்சுத சோததை சாப்பிடுதவன், அவன் வயல்ல வெளையுத பயிருக்கு உரம்லாம் போட வேண்டாம்.

குறள் 87. 

இனைத்துணைத் தென்பதொன் றில்லை விருந்தின்


துணைத்துணை வேள்விப் பயன்.

விருந்தாளுங்களுக்கு சாப்பாடு போடுதது இருக்கே.. அது ஒரு வேள்வி மாதிரி. இதைச் செய்யுததுனால் கிடைக்கக்கூடிய நன்மை எம்புட்டுன்னு கணக்குப் பாக்க முடியாது. அது வந்த விருந்தாளோட தகுதிக்கு ஏத்த மாதிரி இருக்கும். 

குறள் 88. 

பரிந்தோம்பிப் பற்றற்றேம் என்பர் விருந்தோம்பி


வேள்வி தலைப்படா தார்.

சொத்துல்லாம்  சேத்து வச்சு, ஒரு நாள் அதை தொலைச்சுட்ட  பொறவு, மனசுக்குள்ள ஒரு நெனைப்பு வரும். அதாவது, நாம வசதியா இருக்கும்போது, விருந்தாளுங்களை உபசரிக்க நம்ம கிட்ட இருந்த சொத்தை பயன் படுத்தாம விட்டுட்டோமேங்கிற வருத்தம் தான் அது. 

குறள் 91. 

இன்சொலால் ஈரம் அளைஇப் படிறுஇலவாம்


செம்பொருள் கண்டார்வாய்ச் சொல்.

ஒருத்தன் வாயில இருந்து வார சொற்கள், அன்பு கலந்ததா இருக்கணும். பொய்யா இருக்கக் கூடாது. உண்மையானதா இருக்கணும். இப்படி இருந்தா மட்டுந்தான் அது இன்சொல். 

(தொடரும்)

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH