எப்போதுமே விலங்குகளிடமிருந்து மனிதர்கள் சற்று இடைவெளியை கடைபிடிப்பது மிகவும் அவசியமானதாகும். குறிப்பாக பூனை இனத்தை சேர்ந்த வேட்டை மிருகங்களிடம் பழகும் போது எப்போதும் ஜாக்கிரதையாக இருக்க வேண்டும்.
இந்தியா போன்ற நாடுகளில் இது பெரிய விஷயமாக இல்லை என்றாலும் பாகிஸ்தான் போன்ற வேறு சில நாடுகளில் வேட்டை மிருகங்களான சிங்கம், புலி போன்றவற்றை சிலர் வீட்டிலேயே செல்லப் பிராணிகளை போல் வளர்த்து வருகிறார்கள். நமக்கு இது ஆச்சரியமாக இருந்தாலும் அவர்களுக்கு இது அன்றாட வாழ்க்கையில் ஒரு பகுதியாகும். மேலும் இதுபோன்ற வேட்டை மிருகங்களை வளர்ப்பதற்கு மிகப் பெரும் அளவிலான தொகையையும் அவர்கள் செலவு செய்கிறார்கள் என்பது குறிப்பிடத்தக்கது. அதேசமயம் என்னதான் செல்லப் பிராணிகளாக வீட்டில் வைத்து வளர்த்தாலும் மனதளவில் அவை வேட்டை மிருகங்கள் என்பதை பலர் மறந்து விடுகிறார்கள் அதற்கு ஏற்ப அந்த விலங்குகளும் அவ்வப்போது தங்களின் குணத்தை வெளிப்படுத்துகின்றன.
சமீபத்தில் பாகிஸ்தானை சேர்ந்த சிறுவன், புலி ஒன்றின் கழுத்தில் சங்கிலியை இணைத்து, எவ்வாறு நாம் வீட்டில் வளர்க்கும் செல்ல பிராணியான நாயை வாக்கிங் அழைத்துச் செல்வோமா அதுபோல புலியை வாக்கிங் அழைத்துச் சென்றுள்ளார். முதலில் மிகவும் சாந்தமாக அந்த சிறுவனிடம் நடைபழகும் புலியானது திடீரென சற்று மிரண்டு அந்த சிறுவனை தாக்குவது போல் பாவனை செய்கிறது.
இதனை சற்றும் எதிர்பாராத அந்த சிறுவன் அதிர்ச்சியாகி இரண்டு அடி பின்னே செல்ல உடனடியாக அங்கே இருந்த மற்றொருவர் கையில் குச்சியுடன் அந்த சிறுவனுக்கு உதவ உள்ளே நுழைந்து அந்த புலியை கட்டுப்படுத்த முயற்சி செய்கிறார். அவரைப் பார்த்ததும் அந்த புலியும் உடனடியாக அடங்கி விடுகிறது. இன்ஸ்டாவில் லாஹூரை சேர்ந்த நவ்மென் ஹாசன் என்பவரால் இந்த வீடியோவானது பதிவேற்றம் செய்யப்பட்டுள்ளது.
பதிவேற்றம் செய்யப்பட்டதிலிருந்து 15 லட்சத்திற்கும் மேற்பட்ட லைக்குகளை பெற்று இன்னமும் அதிகம் பேரால் பார்வையிடப்பட்டு வருகிறது. கடந்த டிசம்பர் 28ஆம் தேதி தான் இந்த வீடியோவானது பதிவேற்றம் செய்யப்பட்டது என்பது குறிப்பிடத்தக்கது. என்னதான் அதிக லைக்குகளை பெற்றிருந்தாலும் இது போன்ற ஆபத்தான காட்டு விலங்குகளுடன் சிறுவர்களை பழக அனுமதிப்பது என்பது சற்று ஆபத்தான விஷயம் என்பதை பலரும் கமெண்ட் செக்ஷனில் குறிப்பிட்டு வருகிறார்கள்.
இதே போலவே சில வாரங்களுக்கு முன் சிங்கக்குட்டிகளுடன் காரின் பின் சீட்டில் அமர்ந்து மறந்து பயணம் செய்து இளம் வாலிபர் ஒருவரின் வீடியோவும் மிகப் பெரும் அளவில் பேசுபொருளானது. பாகிஸ்தானின் ஒரு பகுதியில் ஏற்பட்ட போக்குவரத்து நெரிசலின் போது புகைப்பட நிபுணர் ஒருவரால் இந்த வீடியோவானது படம் பிடிக்கப்பட்டுள்ளது.
பார்ப்பதற்கு மிகவும் அழகாக இருக்கும் அந்த சிங்கக்குட்டி பிறந்து எட்டு மாதங்கள் ஆவதாகவும் அதற்கு பெயர் முஃபாஸா எனவும் அதன் உரிமையாளர் குறிப்பிட்டுள்ளார். இந்த வீடியோவும் 2 லட்சத்துக்கும் மேற்பட்ட பார்வைகளைப் பெற்று மிகப் பெரும் அளவில் வைரலாகி உள்ளது. இந்த வீடியோவிற்கும் பலர் காட்டு விலங்குகளை செல்லப் பிராணிகளாக வளர்க்கக்கூடாது என்று அதன் கமெண்ட் செக்ஷனில் அறிவுரைகளை அறிவழகி வருகிறார்கள்.
பாகிஸ்தானில் இவை மிகவும் சாதாரண ஒரு விஷயமாக பார்க்கப்படுகிறது. குறிப்பாக செல்வந்தர்களாக இருக்கும் பலர் பூனை இனத்தை சேர்ந்த பெரிய வேட்டை மிருகங்களை வளர்ப்பது ஒரு அந்தஸ்தாக கருதுகிறார்கள். ஆனால் சமூக ஆர்வலர்கள் பலரும் இதற்கு எதிராக குரல் கொடுத்து வாதாடி வருகிறார்கள் என்பது குறிப்பிடத்தக்கது.
news18
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments