பார்லி வெஜிடபிள் சூப்!

வேட்டை Sunday, November 03, 2024

தேவையானவை

பார்லி - 1 கைப்பிடி

காய்கறிக் கலவை - 1 ( காரட், பீட்ரூட், பீன்ஸ், பட்டாணிக் கலவை பொடியாக அரிந்தது.)

தக்காளி - 2 சாறு எடுக்கவும்.

கார்ன் ஃப்ளோர் - 1 டீஸ்பூன்

வெண்ணெய் - 1 டீஸ்பூன்

பால் - 1/2 கப்

மிளகுத்தூள் - 1/2 டீஸ்பூன்

உப்பு - 1/2 டீஸ்பூன்.

செய்முறை

பார்லியை 2 டம்ளர் தண்ணீரில் குக்கரில் நான்கு விசில்களுக்கு வேகப்போடவும். வெந்ததும் இறக்கி காய்கறிக் கலவை , தக்காளிச் சாறு சேர்த்து இன்னும் 1/2 டம்ளர் தண்ணீர் சேர்த்து உப்புப் போட்டு நன்கு வேகவிடவும். ஒரு பானில் வெண்ணெயை உருக்கி கார்ன் ஃப்ளோரைச் சேர்த்து வறுத்துப் பால் ஊற்றவும். அது வெள்ளைச் சாஸாகக் கொதித்ததும் இறக்கவும். ஒரு சூப் கப்பில் பார்லி காய்கறி சூப் 2 கரண்டி ஊற்றி ஒரு கரண்டி வெள்ளை சாஸ் ஊற்றி மிளகு தூவிப் பரிமாறவும்.

தொகுப்பு:

நிர்மலா மொரீஷியஸ்