அந்தப் போட்டியில் டாஸ் வென்ற வெஸ்ட் இண்டீஸ் முதலில் பேட்டிங் செய்வதாக அறிவித்தது. அதையடுத்து களமிறங்கிய இங்கிலாந்துக்கு வில் ஜேக்ஸ் 5 ரன்களில் அவுட்டானார். அப்போது வெஸ்ட் இண்டீஸ் வீரர் அல்சாரி ஜோசப் ஒரு ஓவரை வீசினார். அந்த ஓவரின் முதல் பந்தை வீசிய பின் தமக்கு தகுந்தார் போல் ஃபீல்டிங்கை மாற்றுமாறு கேப்டன் ஷாய் ஹோப்பிடம் அவர் சொன்னார்.
ஆனால் அதைக் கேட்காமல் ஷாய் ஹோப் தாம் வைத்த ஃபீல்டிங்கை தொடர்ந்தார். அந்த கோபத்துடன் பந்து வீசிய அல்சாரி ஜோசப் அடுத்த பந்திலேயே ஜேக் கோக்ஸை 1 ரன்னில் அவுட்டாக்கினார். அந்த ஓவர் முடிந்ததும் “எனக்கு தேவையான ஃபீல்டிங் செட்டிங் செய்ய முடியாதா?” என்ற வகையில் கேப்டன் ஷாய் ஹோப்பிடம் கையை நீட்டி பேசிய அல்சாரி ஜோசப் கோபத்துடன் மைதானத்தில் இருந்து வெளியேறினார்.
அதே வேகத்தில் சென்ற அவர் பெவிலியனின் அமர்ந்து கொண்டார். மறுபுறம் அவரை சமாதானப்படுத்தி வர வைக்காத சாய் ஹோப் அடுத்த ஓவரை 10 வெஸ்ட் இண்டீஸ் வீரர்களுடன் பந்து வீசி முடித்தார். அதன் பின் பயிற்சியாளர் டேரன் சம்மி சமாதானம் செய்ததால் அல்சாரி ஜோசப் மீண்டும் அடுத்த ஓவரில் களத்திற்கு வந்து தொடர்ந்து விளையாடினார். அந்த நிகழ்வு பெரிய சர்ச்சையை ஏற்படுத்தியது.
தொடர்ந்து நடைபெற்ற போட்டியில் ஜேக்கப் பேத்தல் 0, கேப்டன் லிவிங்ஸ்டன் 6 ரன்களில் அவுட்டானதால் 24-4 என இங்கிலாந்து ஆரம்பத்திலேயே திண்டாடியது. அப்போது மற்றொரு துவக்க வீரர் பிலிப் சால்ட் நிதானமாக விளையாடி 74 ரன்கள் குவித்தார். மிடில் ஆர்டரில் ஷாம் கரன் 40, டான் மவுஸ்லி 57, ஜேமி ஓவர்ட்டன் 32, ஜோப்ரா ஆர்ச்சர் 38* (17) ரன்கள் எடுத்து கை கொடுத்தனர். அதனால் 50 ஓவரில் இங்கிலாந்து 263-8 ரன்கள் எடுத்தது.
வெஸ்ட் இண்டீஸ்க்கு அதிகபட்சமாக மேத்தியூ போர்ட்ஜ் 3, அல்சாரி ஜோசப் 2, செபார்ட் 2 விக்கெட்டுகளை எடுத்தனர். இறுதியில் 264 ரன்களை துரத்தியைவெஸ்ட் இண்டீஸ்க்கு எவின் லெவிஸ் 19 ரன்களில் அவுட்டானார். ஆனால் ப்ரெண்டன் கிங் அபாரமான சதமடித்து 102, கேசி கார்ட்டி 128* (114) ரன்கள் குவித்தனர். அதனால் 43 ஓவரிலேயே 267-2 ரன்கள் எடுத்த வெஸ்ட் இண்டீஸ் 8 விக்கெட் வித்தியாசத்தில் வென்று 2 – 1 (3) என்ற கணக்கில் இத்தொடரின் கோப்பையை வென்றது.
crictamil
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments