மருதப்"பா"வரங்கம்-9

ஓட்டுனர்!

(துளிப்பா)

நான்கு வழிச்சாலை 

வேகம் நூற்றியிருபது;

வீட்டுவறுமையின் வேகம்

இருபதிலும் திணருவார் ஓட்டுனர்:

             

தேரோட்டம்!

மாற்றமில் தேரோட்டம் மாண்பு:

(இன்னிசை வெண்பா)

சீர்தரல் போலே சிறந்திடும் காட்சியால்

ஊர்வலம் தன்னில் உறைந்திடும் உள்ளங்கள்

ஊரோடும் ஒன்ற உயரும் இறையென்று

தேரோட்டம் காண்போம் தெளிந்து:

நீண்ட வடத்தை நிறைத்திடும் கைகளே

யாண்டும் விழைந்து எழில்சேர்க்க முந்திடுமே

காட்சியால் எங்கும் கலைகள் நிறைந்திருக்கும்

மாட்சிமை ஓங்கும் மலர்ந்து:

வேடிக்கை காட்டும் விதவித மாய்த்தோற்றம்

கூடிடும் பொய்க்கால் குதிரைகள் ஆட்டமே

நாடகக் கூத்து நலந்தரும் இன்னிசை

பாடலைக் கேட்டுப் பருகு:

தொன்மைத் தமிழர் தொடங்கிய தேரோட்டம்

அன்புடன் ஓங்குமோர் அற்புதந் தானென்றும்

ஆன்மிகப் பாதை அறிவியல் கண்டிருந்து

மேன்மையைச் சேர்க்கும் மிகுந்து:

சிற்பங்கள் நூறு சிரித்திடும் தேரிலே

பொற்பெனத் தெய்வம் பொலிந்திடும் தோற்றமது

ஏற்புடை உள்ளம் இனிமையில் துள்ளிடும்

மாற்றமில்"

தேரோட்டம்" மாண்பு:

(தொடரும்)     

இலங்கை   இந்தியா  உலகம் 

தமிழ்நாடு  விளையாட்டு 

தொடர்கதை சிறுகதை 

கவிதை செந்தமிழ் இலக்கியம் 

இஸ்லாமிய சிந்தனை 

மொழிபெயர்ப்புக் கதைகள் 

கட்டுரைகள்   Ai SONGS

HOME