அமேசானின் மடிக்கக்கூடிய லேப்டாப்... சிறப்பம்சங்கள் என்னென்ன...?

அமேசான் லேப்டாப் பிரிவில் அனைவரையும் ஆச்சரியப்படுத்தும் விதமாக மடிக்கக்கூடிய ஸ்கிரீனைக் கொண்ட லேப்டாப்பை அறிமுகப்படுத்த இருப்பதாக தகவல் வெளியாகி இருக்கிறது. ஃபயர் டிவி ஸ்டிக் மற்றும் கிண்டில் இ-ரீடர் போன்ற தயாரிப்புகளைத் தொடர்ந்து நிறுவனம் தற்போது மற்றுமொரு புதிய முயற்சியில் இறங்கி இருப்பதாக தெரிகிறது.

மக்களின் தேவை மற்றும் எதிர்பார்ப்பு ஒருபுறம் இருக்க, புதுமையை அறிமுகப்படுத்துவதில் முதல் நிறுவனம் என்ற பெயரை சம்பாதிக்க வேண்டிய நிர்பந்தம் ஒருபுறம் என பல தொழில்நுட்ப நிறுவனங்கள் போட்டி போட்டுக் கொண்டு புதுப்புது தயாரிப்புகளை அறிமுகப்படுத்தி வருகின்றன. அந்த வகையில், இ-காமர்ஸ் துறையில் உலகின் முன்னணி நிறுவனங்களில் ஒன்றாக வலம் வரும் அமேசான், கிளவுட், ஓடிடி உள்ளிட்ட பிற துறைகளிலும் மற்றும் பல பொருட்கள் தயாரிப்பிலும் ஈடுபட்டுள்ளது.

அதாவது, அமேசான் லேப்டாப் பிரிவில் அனைவரையும் ஆச்சரியப்படுத்தும் விதமாக மடிக்கக்கூடிய ஸ்கிரீனைக் கொண்ட லேப்டாப்பை அறிமுகப்படுத்த இருப்பதாக தகவல் வெளியாகி இருக்கிறது. ஃபயர் டிவி ஸ்டிக் மற்றும் கிண்டில் இ-ரீடர் போன்ற தயாரிப்புகளைத் தொடர்ந்து நிறுவனம் தற்போது மற்றுமொரு புதிய முயற்சியில் இறங்கி இருப்பதாக தெரிகிறது.

இந்த மடிக்கக்கூடிய லேப்டாப் பற்றிய விவரங்கள் மிங்-சி குவோ மூலமாக தெரியவந்துள்ளன. இவர் ஆப்பிள் குறித்த தனித்துவமான மற்றும் புதிய தகவல்களை வெளியிடுவதன் மூலம் பிரபலமானவர் என்பது குறிப்பிடத்தக்கது. ஹவாய் நிறுவனம் சமீபத்தில் சீனாவில், தனது சொந்த மடிக்கக்கூடிய லேப்டாப்பை அறிமுகப்படுத்தியது. மேலும், அமேசான் சொந்தமாக தயாரிக்க இருக்கும் மடிக்கக்கூடிய லேப்டாப்புக்கு இதே தயாரிப்பு உத்தியைப் பின்பற்றலாம் என்றும் குவோ கூறியிருக்கிறார்.

அமேசான் லேப்டாப் திட்டங்கள்: குவோ வெளியிட்ட தகவல்

ஹவாய் நிறுவனத்தின் மடிக்கக்கூடிய லேப்டாப்பில் 18 இன்ச் ஸ்கிரீன் உள்ளது. மேலும், இது 13 இன்ச் அளவுக்கு மடிக்கக்கூடியதாக இருக்கிறது. வெளியீட்டைப் பொறுத்தவரையில், அமேசானின் மடிக்கக்கூடிய லேப்டாப் ஆனது, ஆப்பிளின் மடிக்கக்கூடிய சாதனங்களுக்கு முன்னதாகவே வெளியிடப்படும் என்று எதிர்பார்க்கப்படுவதாக குவோ கூறுகிறார். அதாவது, 2026இன் பிற்பகுதியில் அல்லது 2027இன் முற்பகுதியில் வெளியீடு இருக்கும் என்றும் அவர் குறிப்பிட்டுள்ளார்.

ஆப்பிள் நிறுவனம் தனது மடிக்கக்கூடிய சாதனங்கள் குறித்து சொந்த திட்டங்களையும், லட்சியங்களையும் கொண்டுள்ளது. ஆனால், ஆப்பிளின் முதல் மடிக்கக்கூடிய தயாரிப்பு மேக்புக்காக இருக்க வாய்ப்பில்லை, ஆப்பிள் முதலில் ஐபேடையே அறிமுகப்படுத்தும் என்று தெரிகிறது.

அமேசானின் இந்த லேப்டாப் விண்டோஸ் அல்லது ஆண்ட்ராய்டு ஓஎஸ்-ஐ பயன்படுத்த வாய்ப்பில்லை. எனவே, இந்த சாதனம் எந்த ஓஎஸ்-இல் இயக்கும்? என்கிற கேள்வி எழும்பி இருக்கிறது. ஆனால், நிறுவனம் விண்டோஸ் 11ஐப் பிரதிபலிக்கும் ஃபோர்க்டு இன்டர்ஃபேஸ் உடன் கூடிய ஃபயர் ஓஎஸ் பதிப்பைப் பயன்படுத்தும் என்று நாங்கள் எதிர்பார்க்கிறோம். அதற்கான சாத்தியங்கள் இருப்பதாகத் தெரிகிறது. மேலும், நிறுவனம் ஹவாய் நிறுவனத்தைப் போலவே, தனது சாதனங்களுக்கு ஆண்ட்ராய்டை விட்டு வெளியேறும் திட்டங்களில் செயல்பட்டு வருவதாகக் கூறப்படுகிறது.

குவோ அது குறித்த விவரங்களைப் பகிர்ந்து கொள்ளவில்லை என்றாலும், அறிமுகப்படுத்தப்படவுள்ள தயாரிப்பு பற்றிய கூடுதல் தகவல்கள் 2026இல் வெளியாக வாய்ப்புள்ளது. மேட்புக் ஃபோல்ட் அல்டிமேட் நேர்த்தியாகவும், எடுத்துச் செல்லக்கூடியதாகவும் இருப்பதாக ஹவாய் கூறுகிறது. இந்த மடிக்கக்கூடிய நோட்புக் வெறும் 1.16 கிலோ எடை கொண்டது. மேலும், 14.9 மிமீ என்ற அளவில் இதனை சிறியதாக மடிக்க முடிகிறது மற்றும் மூன்று அடுக்கு அலுமினியம் அலாய் ஃபிரேம் மற்றும் அல்ட்ரா-ஸ்லிம் பிசிபியை உள்ளடக்கிய ஒரு ஸ்மார்ட் கட்டமைப்பைக் கொண்டுள்ளது, இது 7.3 மிமீ-க்கு மட்டுமே விரிவடைகிறது.

இந்த மடிக்கக்கூடிய டிசைன் பல பயன்பாட்டு முறைகளை ஆதரிக்கிறது. விர்சுவல் கீபோர்டுடன் கூடிய வழக்கமான லேப்டாப்பைப் போல இதைப் பயன்படுத்த அதைப் பாதியில் திறக்க வேண்டும் அல்லது போர்ட்ரெய்ட் அல்லது லேண்ட்ஸ்கேப்பில் பயன்படுத்த பெரிய டச் ஸ்கிரீனை அழுத்தி அதை முழுமையாக விரிவுபடுத்த வேண்டும். மேலும், அதில் உள்ளமைக்கப்பட்ட கிக்ஸ்டாண்ட் அதன் மல்டிடாஸ்கிங் திறனை அதிகரிக்கிறது, இது வீடியோக்களைப் பார்ப்பது அல்லது உற்பத்தித் திறனை அதிகரிப்பதற்கு ஏற்றதாக இருக்கும்.

news18