குறள் மொழியில் மிளிரும் நபி மொழிகள்!-9

வேட்டை Sunday, January 04, 2026

அடக்கமுடைமை

குறள் மொழி 33

தீயினாற் சுட்டபுண் உள்ளாறும் ஆறாதே

நாவினால் சுட்ட வடு.

குறள் எண்:129

குறள் மொழியின் பொருள் :

நெருப்பினால் சுட்ட புண் வெளியே தழும்பை ஏற்படுத்தினாலும், நாளடைவில் புண் ஆறிவிடும். ஆனால், ஒருவர் நாவினால் சொன்ன சொல்லால் ஏற்பட்ட காயம் வடு மனதில் இருந்து எப்போதும் .ஆறாது.

நபிமொழி:

மனிதர்களின் தவறுகளில் அதிகமானவை அவர்களின் நாவினால் தான் ஏற்படுகின்றன. அது ஆறாத இரணமாக அமைந்து விடுகின்றது.

இறைதூதர் நபி (ஸல்), ஆதாரம்:நூல் - தப்ரானீ : 538

பயனில் சொல்லாமை

குறள் மொழி:34

சொல்லுக சொல்லின் பயனுடைய சொல்லற்க

சொல்லின் பயனிலாச் சொல்.

குறள் எண் : 200

குறள் மொழியின் பொருள் :

ஒருவர் பேசும்போது பயனுள்ள, நல்ல சொற்களை மட்டுமே சொல்ல வேண்டும் பேச வேண்டும்; பயனற்ற, பயனில்லாத சொற்களைச் சொல்லாது விடுதல் வேண்டும்.

நபிமொழி:

அல்லாஹ்வையும், மறுமை நாளையும் நம்பியவர் ஒன்றைப் பேசினால் அவர் நல்லதையே பேசட்டும்.