அண்ணலே! எங்கள் ஆருயிரே யாரசூலுல்லாஹ் -3

முஹம்மது நபி ஸல்லல்லாஹு அலைஹி வஸல்லம் அவர்களின் அழகையும் மேன்மையையும் போற்றும் "ஜமாலே முஸ்தபா" என்ற கவிதை

யா அல்லாஹ், யா நபி, யா ரசூல்.

முஸ்தபாவின் அழகைக் கண்டதும் யூசுப் அலைஹிஸ்ஸலாம் அவர்கள், "முஹம்மது நபி ஸல்லல்லாஹு அலைஹி வஸல்லம் அவர்களே, உங்களது அழகில் நான் அர்ப்பணமாகிவிடுவேன்" என்று கூறினார்கள். முஹம்மது நபி ஸல்லல்லாஹு அலைஹி வஸல்லம் அவர்களே, நீங்கள் அவ்வளவு அழகானவர். உங்களது அழகில் இறைவனே காதலால் லயித்துவிட்டான்.

ஆரம்பமும் நீங்களே, முடிவும் நீங்களே. வெளிப்படையானதும் நீங்களே, அந்தரங்கமானதும் நீங்களே. தூய்மைக்குச் சாட்சியாகத் திகழும் தைய்யிபும் தாஹிரும் நீங்களே. நீங்கள் தான் சூரா ரஹ்மானின் சாரம், சூரா யாசீனின் தலைப்பு. முஸ்தபாவே, உங்களது பெயரால் எனது அடையாளம் இருக்க வேண்டும் என்று நான் விரும்புகிறேன். நீங்கள் அவ்வளவு அழகானவர் என்று இறைவன் உங்களிடம் கூறினான்.

ஆதம் அலைஹிஸ்ஸலாம் அவர்களின் நெற்றியில் இருந்த ஒளியும் நீங்கள் தான், குர்ஆனின் வசனங்களில் இருப்பதும் நீங்கள் தான். குர்ஆன் உங்கள் மொழியில் இருக்கிறது, "வஷ்ஷம்ஸ்" என்பது உங்கள் முகத்தைக் குறிக்கிறது. அகிலத்தின் அருட்கொடையாளரே, நீங்கள் அவ்வளவு அழகானவர். மறுமை நாளில் பரிந்துரை செய்பவரும் (ஷாஃபி) நீங்களே, கவ்ஸர் தடாகத்தின் நீரை வழங்குபவரும் (ஸாகி) நீங்களே. உங்கள் அந்தஸ்து மிக உயர்ந்தது.

அர்ஷின் மீது யாருடைய பாதங்கள் பதிந்தனவோ, எந்தப் பாதணிகள் அர்ஷின் மகுடமாகத் திகழ்கின்றனவோ, அந்த மேராஜ் நாயகன் நீங்கள். இந்த உலகம் முழுதும் தேடிப் பார்த்தாலும் உங்கள் பாதணிகளுக்கு ஈடான ஒன்றை எவராலும் காண முடியாது.

யார் தொழுகையின் ருகூவில் இருக்கும்போது அல்லாஹ்வின் பெயரால் தர்மம் செய்தாரோ, ஒவ்வொரு போர்க்களத்திலும் அசத்தியத்தை அழித்தாரோ, இறைவனின் ஆற்றலைத் தன்னுள் கொண்ட அந்த வீரம் மிகுந்த அலி ரலியல்லாஹு அன்ஹு அவர்கள் கூட முஹம்மது நபி ஸல்லல்லாஹு அலைஹி வஸல்லம் அவர்களின் பாதணிகளை முத்தமிட்டு, "நான் முஸ்தபாவின் அடிமை" என்று கூறுகிறார்கள்.

எனது நாயகத்தின் முகம் சந்திரனைப் போன்றது, அதில் படர்ந்திருக்கும் தலைமுடி மேகக் கூட்டத்தைப் போன்றது. அந்தத் தலைமுடியின் அழகை எந்தப் பேனாவால் வர்ணிக்க முடியும்? அந்தத் தலைமுடியின் மீதுதான் அல்லாஹ் குர்ஆனில் (சூரா லைல்) சத்தியம் செய்துள்ளான். முஹம்மது நபி ஸல்லல்லாஹு அலைஹி வஸல்லம் அவர்களே, நீங்கள் அவ்வளவு அழகானவர். உங்களது அழகில் இறைவனே லயித்துவிட்டான்.

(தொடரும்)