ஜே.வி.பி. குறித்து சரத் வீரசேகர கூறிய உண்மை…

ஈஸ்டர் ஞாயிறு தாக்குதல் தொடர்பான விசாரணைகளுக்காக சுரேஷ் சலே கைது செய்யப்பட்டிருப்பதை முன்னிட்டு பல்வேறு திரிபுபடுத்தப்பட்ட விளக்கங்கள் பரப்பப்பட்டு வரும் நிலையில், முன்னாள் பொதுமக்கள் பாதுகாப்பு அமைச்சர் சரத் வீரசேகர 2021 ஆம் ஆண்டு நாடாளுமன்றத்தில் வெளியிட்ட முக்கியமான கருத்தொன்றை மீண்டும் நினைவுகூர வேண்டியுள்ளது.

மொஹமட் இப்ராஹிம், 2015 ஆம் ஆண்டு நடைபெற்ற நாடாளுமன்றத் தேர்தலில் மக்கள் விடுதலை முன்னணியின் தேசியப் பட்டியல் வேட்பாளராக பெயரிடப்பட்டிருந்தார். எனினும், அவர் சஹ்ரானுடன் தொடர்புகளை ஆரம்பித்தது 2016 ஆம் ஆண்டிலிருந்தே என அப்போது பொதுமக்கள் பாதுகாப்பு அமைச்சராக இருந்த சரத் வீரசேகர நாடாளுமன்றத்தில் தெரிவித்திருந்தார்.

2021 மார்ச் 10 ஆம் தேதி வெளியிடப்பட்ட ஹன்சார்ட் அறிக்கையில் இடம்பெற்றுள்ள அவரது உரையின் ஒரு பகுதி பின்வருமாறு:

“பல ஆண்டுகள் கட்டார் நாட்டில் வசித்த மொஹமட் இப்ராஹிம், தற்போது கைது செய்யப்பட்டுள்ள மொஹமட் நவ்ஃபர் என்ற நபருடன் தொடர்புடையவர். மிக முக்கியமான ஒரு விடயத்தை நான் இங்கு கூற விரும்புகிறேன். 2016 ஆம் ஆண்டு முதல் சஹ்ரானுடன் நெருக்கமாகச் செயல்பட்டதாகக் கூறப்படும் தொடர்பு குறித்து விசாரணைகள் மேற்கொள்ளப்பட்டுள்ளன.”

சரத் வீரசேகரவின் இந்தக் கருத்தின் அடிப்படையில் பார்க்கும்போது, 2015 ஆம் ஆண்டு நாடாளுமன்றத் தேர்தலுக்காக ஜே.வி.பி. தேசியப் பட்டியல் வேட்பாளராக மொஹமட் இப்ராஹிம் பெயரிடப்பட்ட காலத்தில், அவர் எந்தவொரு தீவிரவாத அல்லது மதவாத அமைப்புடனும் தொடர்புடையவராக அடையாளம் காணப்படவில்லை என்பது தெளிவாகிறது.

அதாவது, பின்னர் ஏற்பட்டதாகக் கூறப்படும் தொடர்புகளை அடிப்படையாகக் கொண்டு, 2015 ஆம் ஆண்டு இடம்பெற்ற அரசியல் நியமனத்தை நேரடியாக இணைத்து குற்றம் சாட்டுவது குறித்து உண்மைத் தகவல்களை கருத்தில் கொள்ள வேண்டிய அவசியம் உள்ளது.

lankatruth