இன்னா நாற்பது -23.
சிறையில்லாத மூதூரின் வாயில்காப் பின்னா
துறையிருந் தாடை கழுவுத லின்னா
அறைபறை யன்னவர் சொல்லின்னா வின்னா
நிறையில்லான் கொண்ட தவம்.
விளக்கம்:
- மதிற் சுவர்கள் இல்லாத ஊரின் நுழைவு வாயிலை காப்பது துன்பமாகும்.
- நீர் நிலைகளில் துணிகளைத் துவைத்தல் துன்பமாகும்.
- பறைபோல் ஓங்கி ஒலியெழுப்பி. பிறரைப் பற்றி அவதூறு பேசுபவரின் சொற்கள் துன்பமாகும்.
- புலன்களை அடக்க முடியாதவர்கள் இருக்கும் நோன்பு துன்பமாகும்.
இன்னா நாற்பது -24.
ஏமமில் மூதூ ரிருத்தன் மிகவின்னா
தீமை யுடையா ரயலிருத்த னன்கின்னா
காமமுதிரி னுயிர்க்கின்னா வாங்கின்னா
யாமென் பவரொடு நட்பு.
விளக்கம்:
- பாதுகாப்பு அம்சங்கள் எதுவும் இல்லாத ஊரில் வாழ்வது துன்பமாகும்.
- தீய செயல்களைச் செய்து வருபவர்களுக்கிடையில் வாழ்வது துன்பமாகும்.
- காம நோய் முற்றி உயிர் வாழ்வது துன்பமாகும்.
- எல்லாவற்றிலும் தன்னையே முன்னிலைப் படுத்துபவர்களிடம் நட்போடு இருப்பது துன்பமாகும்.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments