சவூதி அரேபியாவில் மரண தண்டனைத் தீர்ப்பை எதிர்கொண்டுள்ள இலங்கைப் பிரஜையான அனோஜன் சிவராசனின் உயிரைக் காப்பாற்ற, ஜனாதிபதி அநுர குமார திசாநாயக்க சவூதி மன்னரிடம் சிறப்பு கோரிக்கை விடுக்கவுள்ளதாக வெளிவிவகார அமைச்சர் விஜித ஹேரத் தெரிவித்துள்ளார்.
இதற்காக ஜனாதிபதியின் கோரிக்கை கடிதத்தை சவூதி மன்னரிடம் நேரில் கையளிக்கும் வகையில், பாராளுமன்ற பிரதி சபாநாயகர் தலைமையில் ஆளும் மற்றும் எதிர்க்கட்சிப் பிரதிநிதிகள் அடங்கிய தூதுக்குழுவொன்றை சவூதி அரேபியாவுக்கு அனுப்பவும் திட்டமிடப்பட்டுள்ளது.
மேலும், ஜனாதிபதி சட்டத்தரணிகளான உபுல் குமாரப்பெரும மற்றும் பைசர் முஸ்தபா ஆகியோர் சவூதி சட்ட நடைமுறைகளை ஆராய்ந்து, அனோஜனின் விடுதலைக்கான சட்ட நடவடிக்கைகளை முன்னெடுக்கவுள்ளனர்.
அனோஜனின் பெற்றோர் கடந்த ஜூலை 1ஆம் திகதி வெளிவிவகார அமைச்சுக்கு இந்த விடயம் தொடர்பில் அறிவித்ததிலிருந்து, அவரைக் காப்பாற்ற அரசாங்கம் சாத்தியமான அனைத்து நடவடிக்கைகளையும் மேற்கொண்டு வருவதாக அமைச்சர் தெரிவித்தார். அவரது வழக்கு தொடர்பில் இதுவரை செலவிடப்பட்ட தொகையை பெற்றோருக்கு மீள வழங்குவதுடன், எதிர்கால சட்டச் செலவுகளையும் அரசாங்கம் ஏற்கும் எனவும் அவர் குறிப்பிட்டார்.
அத்துடன், அடுத்த வாரம் நடைபெறும் ஐக்கிய நாடுகள் பொதுச் சபைக் கூட்டத்தொடரின்போது சவூதி வெளிவிவகார அமைச்சரைச் சந்தித்து, மரண தண்டனையைத் தவிர்த்தல், மன்னிப்பு அல்லது தண்டனைக் குறைப்பு உள்ளிட்ட சாத்தியமான நிவாரணங்கள் குறித்து பேச்சுவார்த்தை நடத்தவுள்ளதாகவும் விஜித ஹேரத் தெரிவித்தார்.
lankatruth
கட்டுரைகள் | Ai SONGS |
Email;vettai007@yahoo.com
0 Comments