சிறைகள் தகர்த்து சிறகை விரி

துருப்பிடித்த சிறை கம்பிகளுக்குள்

அடைபட்டிருக்கின்றன

நம் இதயங்கள்!

மூவேளை உணவிற்கும்

மருந்துவ நலனுக்கும்

வட்டிக்கும் வாடகைக்கும்

கசியும் வாழ்க்கை

ஒரு மாய சிறைச்சாலை;

ஆசைகளும் கனவுகளும்

அடைபட்டிருக்கும் சிறைகளுக்குள்

தற்கொலைகள் நடக்கின்றன;

அவற்றில் நிறைவேறும்

ஆசைகளாக

சில ஃபீனிக்ஸ் பறவைகள்!!

சிறைகள் தகர்த்து

மனச்சிறகை விரிக்க

நீ விடாமுயற்சியை திடமாக்கு,

உடைக்கப்பட்ட சிறைக்கம்பிகளை

நம் கனவுகளின் ஏணியாக்கு;

சிறகடித்து செல்வோம், வா!!!