இன்றைய அன்றாட வாழ்க்கை!

ஊரிலே அங்கங்கே வாழ்ந்த குடும்பங்கள்

ஊர்விட்டே ஊர்வந்தார்! பல்வேறு நாடுசென்றார்!

சார்புடன் விட்டுக் கொடுத்திருந்த வாழ்க்கையில்

வேரோடிப் பார்த்தது விட்டுக் கொடுக்காத

கேள்விப் படாத பிடிவாத வாழ்க்கைதான்!

வாழ்க்கை திசைமாறிப் போச்சு.

அக்கறை பாதுகாப்பு சொந்தபந்த பாசமென்ற

முத்தான பண்புகள் காற்றில் பறந்தன!

ஒத்தாசை செய்தேதான் வாழ்ந்திருந்த வாழ்வெல்லாம்

எப்படியோ கானலாச்சு பார்.

உறவுகள் யாரென் றறியாமல் வாழும்

தலைமுறை கொண்ட வாழ்க்கைப் பயணம்!

அலைச்சல் உளைச்சல் எரிச்சலில் வாழ்வில்

சலிப்புடன் வாழ்கின்றார் சாற்று.

வாசகர்கள் தங்கள் ஆக்கங்களை 

வேட்டை Email மூலம் அனுப்புங்கள்

Email-vettai007@yahoo.com