IPL 2023 : சாய் சுதர்ஷன் – டேவிட் மில்லர் அதிரடி.. 6 விக். வித்தியாசத்தில் டெல்லியை வென்றது குஜராத் டைட்டன்ஸ்

ஐபிஎல் கிரிக்கெட் தொடரில் இன்று நடைபெற்ற டெல்லி கேபிடல்ஸ் அணிக்கு எதிரான ஆட்டத்தில் குஜராத் டைட்டன்ஸ் அணி 6 விக்கெட் வித்தியாசத்தில் வெற்றி பெற்றுள்ளது. போட்டியில் டாஸ் வென்ற குஜராத் அணியின் கேப்டன் ஹர்திக் பாண்ட்யா பவுலிங்கை தேர்வு செய்தார். இதையடுத்து டெல்லி அணியின் தொடக்க வீரர்களாக கேப்டன் டேவிட் வார்னர், பிரித்வி ஷா ஆகியோர் களத்தில் இறங்கினர். 7 ரன்களில் பிரித்வி ஷா ஆட்டமிழக்க, அடுத்து வந்த மிட்செல் மார்ஷ் 4 ரன்கள் மட்டுமே எடுத்து ஏமாற்றம் அளித்தார். பின்னர் இணைந்த வார்னர் – சர்ப்ராஸ் இணை ஓரளவு தாக்குப்பிடித்து விளையாடியது. ஸ்கோர் 67 ரன்னாக இருந்தபோது, 37 ரன் எடுத்திருந்த வார்னர் ஆட்டமிழந்தார்.  அடுத்து வந்த ரிலீ ரூசோ ரன் ஏதும் எடுக்காமல் வெளியேற, அபிசேக் படேல் 20 ரன் எடுத்தார்.

22 பந்துகளை எதிர்கொண்ட அக்சர் 3 சிக்சர் 2 பண்டரியுடன் 36 ரன்கள் எடுத்து ஆட்டமிழந்தார். 20 ஓவர்கள் முடிவில் 8 விக்கெட்டுகளை இழந்த டெல்லி அணி 162 ரன்கள் எடுத்தது. குஜராத் அணி தரப்பில் முகமது ஷமி மற்றும் ரஷித் கான் ஆகியோர் தலா 3 விக்கெட்டுகளை வீழ்த்தினர்.

இதையடுத்து 163 ரன்கள் எடுத்தால் வெற்றி என்ற நோக்கி விளையாடிய குஜராத் டைட்டன்ஸ் அணி 18.1 ஓவரில் 4 விக்கெட்டுகளை மட்டுமே இழந்து வெற்றி இலக்கை எட்டியது. 48 பந்துகளை எதிர்கொண்ட சாய்சுதர்ஷன் 2 சிக்சர் 4 பவுண்டரியுடன் 62 ரன்களை எடுத்தார். 16 பந்துகளில் 2 சிக்சர் மற்றும் பவுண்டரியுடன்டேவிட் மில்லர் அதிரடியாக 31 ரன்கள் சேர்த்தார். தொடக்க வீரர்கள் ரிதிமான் சாஹா மற்றும் சுப்மன் கில் ஆகியோர் தலா 14 ரன்களும் கேப்டன் பாண்ட்யா 5 ரன்னும், விஜய் சங்கர் 29 ரன்களும் எடுத்தனர். இந்த வெற்றியின் மூலம் தான் விளையாடிய 2 போட்டிகளிலும் எதிரணியை வீழ்த்திய குஜராத் டைட்டன்ஸ் அணி பாயின்ட்ஸ் டேபிளில் முதலிடம் வகிக்கிறது.

news18

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGISH