வள்ளுவரிடம் கேட்டதும் கிடைத்ததும்-19

91.வினா : மங்கலம் என்பது எது?

விடை : குடும்பத்திற்கு மங்கலமாகத் திகழ்வது நல்ல மனைவியே

மங்கலம் என்ப மனைமாட்சி மற்று.அதன் நன்கலம் நன்மக்கட் பேறு.(60)

92.வினா : பெறவேண்டிய பேறுகளில் சிறப்புடையது எது?

விடை : அறிவு நிறைந்த மக்களைப் பெறுவதே ஆகும்

பெறுமவற்றுள் யாமறிவது இல்லை அறிவறிந்த மக்கட்பேறு அல்ல பிற.(61)

93.வினா : யாருக்கு பழியும் தீமையும் வராது?

விடை : நற்பண்புமிக்க மக்களைப் பெற்றவருக்கு

எழுபிறப்பும் தீயவை தீண்டா பழிபிறங்காப் பண்புடை மக்கட் பெறின்(62)

94.வினா : அமிழ்தினும் இனியது எது?

விடை: தம் குழந்தைகளின் கைகளால் பிசையப்பட்ட உணவு

அமிழ்தினும் ஆற்ற இனிதேதம் மக்கள் சிறுகை அளாவிய கூழ்.(64)

95.வினா : குழலிசை, யாழிசை இனியது என்பவர் யார்?

விடை : தம் மக்களின் மழலை சொல் கேளாதவர்

குழல்இனிது யாழ்இனிது என்பதம் மக்கள் மழலைச்சொல் கேளா தவர்.(66)

(தொடரும்)

மேலும்...வேட்டை வாரமலர்