வள்ளுவரிடம் கேட்டதும் கிடைத்ததும்-23

111.வினா : தீமை குறைந்து நன்மை பெருகும் எப்போது?

விடை: விருப்பத்துடன் இன்சொல் கூறும் போது 

அல்லவை தேய அறம்பெருகும் நல்லவை நாடி இனிய சொலின்.(96)

112. வினா : இம்மையும் மறுமையும் இன்பம் தருவது எது?

விடை : சிறுமைத்தனமற்ற இனிய சொற்கள் 

சிறுமையுள் நீங்கிய இன்சொல் மறுமையும் இம்மையும் இன்பந் தரும்.(98)

113.வினா : கனி எது? காய் எது?

விடை: இன்சொல் கனி; கடுஞ்சொல் காய் 

இனிய உளவாக இன்னாத கூறல் கனியிருப்பக் காய்கவர்ந் தற்று.(100)

114. வினா : செய்யாமல் செய்த உதவிக்கு ஈடாகாதது எது?

விடை: இவ்வுலகையும் வானத்தையும் கொடுத்தாலும் ஈடாகாது

செய்யாமற் செய்த உதவிக்கு வையகமும் வானகமும் ஆற்ற லரிது.(101)

115. வினா : இவ்வுலகை விடப் பெரியது எது?

விடை : காலத்தில் செய்த உதவி 

காலத்தி னாற்செய்த நன்றி சிறிதெனினும் ஞாலத்தின் மாணப் பெரிது.(102)

(தொடரும்)

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH